Von Cramon: Samiti BE-Ballkani Perëndimor, dështim i plotë!
Raportuesja për Kosovën në Parlamentin Evropian, Viola von Cramon, e ka cilësuar si dështim të plotë Samitin BE – Ballkani Perëndimorë.
Përmes rrjetit social Twitter, von Cramon thekson se të gjashtë vendet e Ballkanit Perëndimor u ftuan në Bruksel, por atyre nuk u dhanë asgjë.
“Ky Samit BE-Ballkani Perëndimor ishte dështim i plotë. Kjo dërgon një sinjal vërtetë katastrofik. Është vetëm një person i lumtur në këtë situatë dhe ai ulet në Kremlin,” thekson Viola von Cramon përmes rrjetit social Twitter.
This EU – Western Balkans Summit was a complete failure.
— Viola von Cramon (@ViolavonCramon) June 24, 2022
This sends really a disastrous signal.
There is only one person happy from this situation, and that guy sits in the Kremlin.https://t.co/ECfWPM2AX5
Ajo ka shtuar se as Bosnjë e Hercegovina nuk e ka marrë statusin e kandidatit për anëtarësim në BE, aq më keq Maqedonia e Veriut dhe Shqipëria nuk i kanë filluar negociatat e anëtarësimit dhe Kosova nuk ka marrë liberalizimin e vizave.
Liderët e Bashkimit Evropian dhe të Ballkanit Perëndimor u takuan në samitin e mbajtur në Bruksel, më 23 qershor.
Udhëheqësit e gjashtë vendeve të Ballkanit Perëndimor, raporton RFE, u ankuan për mungesën e progresit në ofertat e tyre për t’u bashkuar me Bashkimin Evropian. Po atë ditë, Bashkimi Evropian njoftoi se u ka dhënë statusin e kandidatit Ukrainës dhe Moldavisë për anëtarësim në këtë bllok.
