Vrasja e grave nga bashkëshortët, Presidentja Osmani shpall 17 Prillin – Ditë zie!
Pas vrasjes së dy grave nga bashkëshortët e tyre brenda katër ditëve, Presidentja e Kosovës, Vjosa Osmani, shpallj ditë zie të mërkurën e 17 Prillit.
“Presidentja e Republikës së Kosovës, Vjosa Osmani, në mbështetje të Kushtetutës së Kosovës, ka marrë vendim që dita e mërkurë, 17 prill 2024, të shpallet ditë zie, në kujtim të të gjitha grave dhe vajzave të vrara në Kosovë si rezultat i dhunës në baza gjinore,” thekson Presidenca e Kosovës përmes një njoftimi.
Protokolli i Shtetit ngarkohet që t`i ndërmarrë të gjitha veprimet e nevojshme për zbatimin e këtij vendimi.
Ndryshe, pas vrasjes me armë zjarri të një 21-vjeçare në Ferizaj nga bashkëshorit i saj të premten e 12 Prillit, mëngjesin e sotëm në qytetin e Pejës një grua 43 vjeçare është vrarë nga bashkëshorti i saj.
