Vrasja e Pjerin Xhuvanit, Apeli lë në burg Arbër Paplekajn. Lirohen 10 të akuzuarit e tjerë…

Për të akuzuarin për vrasjen e Pjerin Xhuvanit, Arbër Paplekajn, Gjykata e Apelit ka lënë në fuqi vendimin e Gjykatës së Shkallës së Parë të Elbasanit, “arrest me burg”. Ndërkohë janë liruar 10 të akuzuarit e tjerë, duke i ndjekur penalisht në gjendje të lirë.

Arbër Paplekaj nuk ishte i pranishëm në seancën e Gjykatës së Apelit, të mbajtur në ngarkim të tij.

Gjykata e Apelit po ndjek penalisht në gjendje të lirë shtetasit:

Arjan Hoxha, akuzuar për heqje të lirisë me dhunë;

Pavlo Vuksani, akuzuar për heqje të lirisë me dhunë;

Emiljan Prenga, akuzuar për heqje të lirisë me dhunë;

Juljan Mataj, akuzuar për heqje të lirisë me dhunë;

Erald Guga, akuzuar për heqje të lirisë me dhunë;

Erjon Demushi, akuzuar për heqje të lirisë me dhunë;

Taulant Ymeri, akuzuar për heqje të lirisë me dhunë;

Roland Xhepa, akuzuar për heqje të lirisë me dhunë;

Nuredin Kasma, akuzuar për heqje të lirisë me dhune

Eldjo Beko, arrestuar “në flagrancë”, akuzuar për pengim të hetimeve;

Ndryshe Pjerin Xhuvani u vra më 21 prill pas një përplasje të përsëritur mes kampeve politike PS-PD në prag të zgjedhjeve. Ditën e Verës, 2021, Xhuvani ishte një nga personat e akuzuar nga Partia Demokratike për përplasjen që ndodhi në këtë qytet mes militantëve socialistë dhe demokratë, ku si militant i PS në atë kohë, i dha të drejtë vetes të vendos rendin dhe qetësinë publike në Elbasan duke shkelmuar rivalët politik.

Ndërsa pas vrasjes, Paplekaj shprehet:

“Jam i tronditur nga ngjarja e ndodhur për shkak të humbjes së jetës së një personi. Nuk e kisha menduar se do të gjendesha në një situatë dhe rrethanë që të rrezikoja jetën e dikujt, për shkak se unë jam i trajnuar dhe i betuar për mbrojtjen e jetës së njerëzve, pavarësisht rrethanave ekstreme për mbrojtjen e vetes dhe personave më të cilët isha.”