Vrasja në Vlorë, policia ndalon një nga autorët e dyshuar

Policia ka ndaluar njërin nga autorët e dyshuar për  vrasjen e ndodhur në Vlorë të një biznesmeni që merrej me tregtinë e kafes.

Sipas njoftimit të policies, i dyshuari është ndaluar gjatë natës së sotme.  Policia bëri të ditur se është ndaluar shtetesi A. C 28 vjeç dhe është sekuestruar një automjet tip Audi.

“Ndalohet një nga autorët e dyshuar të vrasjes së 29-vjeçarit. Strukturat Policore të Seksionit Kundër Krimeve ndaj Personit në DVP.Vlorë, kanë bërë zbatimin e Urdhërit të Prokurorisë së Rrethit Gjyqësor Vlorë, për ndalimin e shtetasit: A.C., 28 vjeç, banues në Vlorë.

Janë sekuestruar në cilësinë e provës materiale: 1 automjet tip “Audi” me targa AA830RA, dhe 1 palë targa të tjera (italiane) AH63435, (dyshohen se janë përdorur në momentin e kryerjes së krimit), 1 xhup dhe 1 kapuç.

Vijon puna për kapjen dhe ndalimin e autorit tjetër të kësaj ngjarje. Materialet hetimore iu referuan Prokurorisë së Rrethit Gjyqësor Vlorë, për veprën penale “Vrasje me paramendim, kryer në bashkëpunim” dhe “ Mbajtja pa leje e armëve luftarake dhe municionit”, parashikuar nga neni 78 e 25 dhe 278 të Kodit Penal”, thuhet në njoftimin e policisë.