Vuçic: Jam i shqetësuar, shqiptarët nuk po punojnë vetë, ndërkombëtarët po heshtin!

Kam frikë se shqiptarët kanë vendosur që me ndihmën e dikujt, jo vetëm të fusin shqetësimin dhe frikën ndër serbë, por të ndërmarrin edhe masa të tjera, tha sot për televizionin publik serb, RTS, presidenti i Serbisë, Aleksandar Vuçiç duke shtuar se deklaratat e shqiptarëve janë të frikshme ndërsa ajo që më së shumti e shqetëson është heshtja e ndërkombëtarëve.

“Shqiptarët i thonë Evropës në sy  se nuk na intereson Asociacioni, nuk na intereson marrëveshja e Brukselit. Ata nuk dëshirojnë të zbatojnë atë që është marrëveshje ndërkombëtare, e bashkësia ndërkombëtare, që është garant i kësaj, kjo nuk i intereson, thekson Vuçiç duke shtuar se para çdo zyrtari evropian kam shpalosur Marrëveshjen e Brukselit.

“Ata nuk kanë se çfarë të thonë, shikojnë me sy n’tavan, dhe kjo është e gjitha,” dhe ndërsa flet për ato që pala shqiptare nuk rrespekton nga Marrëveshja e Brukselit kështu e interpreton mosrespektimin nga ana e tij:

“Kur është fjala për energjetikën, i pyes, çfarë duan për energjetikën. Në marrëveshje figuron se negociatat për energjetikën duhet të vazhdojnë dhe nuk janë zbatuar ato për të cilat është rënë dakord, pra Asociacioni.”

Populli do të vendos për zgjidhjen e çështjes së Kosovës, thotë ai, e njëra prej mënyrave është referendumi ndërsa lidhur me kritikat se diçka po fshihet rreth Kosovës ai është i prerë:

“Çfarë të fshihet? Po a nuk e dijnë se si kemi vepruar si të marrë në vitin 2008, kur e shpallën pavarësinë? Çfarë kemi për të fshehur? Po luftojmë që të marrim diçka për Serbinë. Kur të kemi diçka në dorë, do të dalim para popullit,” tha Presidenti i Serbisë, Aleksandar Vuçic krenar që në momente tensionesh me Kosovën situata u menaxhua shumë mirë duke u ruajtja paqja dhe stabiliteti