Vuçiç kthehet nga Rusia, shfuqizon urdhrin për gatishmëri lufte dhe arreston 36 tregtarë të mallit evropian drejtë Rusisë

Pas takimit me Presidentin e Rusisë, Vladimir Putin të gjithë qytetarët e Serbisë ishin kurioz të shofin se cilat janë vendimet e para që do të marrë presidenti i tyre, Aleksandar Vuçiç pas kthimit nga “Nëna Rusi”.

Shfuqizimi i urdhrit për ushtrinë dhe policinë, për gatishmëri lufte, nuk është se befasoi njeri në Serbi meqë doli një fiasko e vërtetë diktatoriale ndërkohë 36 arrestimet e mëngjesit të sotëm për të gjithë ata që tregtuan fruta dhe perime si produkte serbe nga BE në Rusi, habiti jo vetëm tregtarët.

439.343.718 dinar ose  rreth 4 milionë euro, nuk mund të jenë arsye e arrestimit siç akuzohen për evazion fiskal ndonëse shifra duhet të jetë shumë më e madhe.

Personat përgjegjës të kompanive “Kleri Frut”, “Vip Frut” dhe “Vip logistik”, të cilat janë përfolur për tregtimin e mallërave nga Ballkani, e ku u theksuan edhe kompani nga Kosova e Shqipëria, mund të jenë edhe çelësi i zbulimit të kësaj tregtie, e cila nuk është se bëhej vetë nga shtetet e BE.

Kujtojmë se bllokimi prej vetëm 3 detish i kastravecëve nga Shqipëria në Serbi shkaktoi një valë reagimesh të forta, që më vonë u zbulua se nuk ishte një mall për tregun serbë, por ky kontingjent i mallit dhe shumë të tjerë me fruta dhe perime ishin destinuar për Rusi, së cilës BE i ka vendosur sanksione

Ndryshe, Serbia i tha JO vendosjes së sanksioneve për Rusinë, por vizita e Vuçiçit në  Moskë dëshmoi se vetëm shteti serb nuk ka përfituar nga refuzimi i sanksioneve ndaj shtetit rus.