Vuçiç nuk është për shkarkimin e kafshës, Nënkryetare e Parlamentit të Serbisë

Presidenti iSerbisë, Aleksandar Vuçiç e ka vlerësuar të pashembullt mesazhin e Nënkryetares së Parlamentit të Serbisë dhe deputetes së Partisë Radikale të Serbisë, Vjerica Radeta por nuk tha se është për shkarkimin e saj, pas mesazhit të saj në Twitter me rastin e vdekjes së kryetares së Shoqatës  “Nënat e Srebrenicës”, Hatixha Mehmedoviç.

“Jo vetëm është i pashembullt por edhe jonjerëzor, dhe koment jocivilizues,” tha Vuçiç para gezetarëve pas stërvitjes ushtarake në Nikinc, por i pyetur nëse do ta mbështesin deputetët e partisë së tij, SNS, iniciativën e disa deputetëve për shkarkimin dhe heqjen e mandatit të Radetës, ai dukshëm i acaruar dhe me ton të lartë tha se “kush e ka parë këtë iniciativë “:

“Kur mbërrinë në Parlament, atëherë do të marrim vendim,” tha Vuçiç plotë nerva.

Ndryshe, pas vdekjes së kryetares së Shoqatës “Nënat e Srebrenicës”, Hatixha Mehmedoviç e cila në masakrën e Srebrenicës humbi burrin dhe dy djemtë, Nënkryetarja e Parlamentit të Serbisë dhe deputetja e radikalëve të Sheshelit, Vjerica Radeta kështu shkruan në Twitter:

“Kam dëgjuar që ka vdekur Hatixha Mehmedoviç nga shoqata e biznesmeneve të Srebrenicës. Kush do ta varros, burri apo djemtë?”

Ky twitt pas reagimeve të ashpëra u fshi shpejtë madje edhe profili i Radetës u zhduk nga ky rrjet social, por përkundër kësaj shumë parti parlamentare serbe kërkojnë që ajo të shkarkohet nga posti i nënkryetares së parlamentit dhe ti merret mandati i deputetes, ndërsa është propozuar që seanca parlamentare të mbahet pasi Vjerica Radeta të kthehet nga udhëtimi zyrtar.