Vuçiç nuk ju bind urdhërit të Haradinajt, por u bind me arsyetimet e Policisë së Kosovës. U kthye…

Presidenti i Serbisë, Aleksandar Vuçiç nuk ju bind urdhërit të kryeministrit të Kosovës Haradinaj, por u bind me arsyetimet e Policisë së Kosovës, që për shkaqe sigurie, rrugëtimi i tij drejtë fshatit Banjë është i pamundur.

Pas një debati të gjatë, televizioni publik serb, RTS, thekson se Presidenti i Serbisë u nis drejtë Mitrovicës pasi të komunikoj me telefon me banorët e fshatit Banjë, fshat ky i banuar me serbë e që ndodhet në zemër të Drenicës.

“Më vjen keq që nuk arrita të vij sepse këtë nuk e dëshiruan autoritetet e Prishtinës,” tha Vuçiç duke komunikuar me banorët e fshatit Banjë përmes telefonit nga vendi ku ai u ndalua nga Policia e Kosovës dhe debatoi me ta.

Pas bisedës telefonike me banorët e fshatit Banjë të Drenicë, Presidenti i Serbisë, Aleksandar Vuçiç duke ju drejtuar kombit serb përmes televizionit publik serb, RTS:

“Hoqa dorë nga vizita në Banjë sepse nuk dua të kërcënoj serbët që jetojnë atje. Nuk i dua pushkët edh e nuk është që jam i frikësuar, por unë kurrë nuk do ti bëjë thirrje popullit që të kapin armët,” tha Presidenti i Serbisë, Aleksandar Vuçiç i paknaqur me sitiuatën e krijuar dhe përgjigjen e policisë së Kosovës.