Zelenskyy falënderon “Serbinë humane”, asnjë fjalë për Shqipërinë dhe Kosovën

Gjithë përbuzja që Kryeministri Edi Rama i bëri Kosovës në Samitin Ukraina-Evropa Juglindore në Tiranë ka dhënë efektin tek Presidenti Volodymyr Zelenskyy ndonëse Ambasadori i Ukrainës, Volodymyr Tolkach, pesë ditë më parë e bëri të qartë se prezenca ukrainase me forcat e KFOR-it kishte për qëllim mbrojtjen e zonave sllave dhe jo siç është misioni zyrtar i forcave të NATO-s në Kosovë.

Me përfundimin e Samitit në Tiranë, Presidenti i Ukrainës, Volodymyr Zelenskyy falënderoi të gjithë përveç organizatori, Kryeministrit Edi Rama, dhe si në faqen zyrtare të Presidentit të Republikës së Ukrainës ashtu dhe rrjetin social X, vetëm takimin dypalësh me Presidenten e Kosovës, Vjosa Osmani, nuk është pasqyruar.

“Jam takuar me Presidentin Aleksandar Vuçiç dhe falënderoi Serbinë për mbështetjen e sovranitetit dhe integritetit territorial të Ukrainës, si dhe ndihmën e saj humanitare dhe financiare dhe mirëpritjen e ukrainasve që ikën nga lufta.

Vura re rëndësinë e pjesëmarrjes së Serbisë në zbatimin e Formulës së Paqes. Ne koordinuam kontakte të mëtejshme me synimin për të zgjeruar mbështetjen globale për Formulën,” shprehet Volodymyr përmes rrjetit social X duke e shoqëruar dhe me një video ndërsa përfundon:

I met with President @AVucic and thanked Serbia for supporting Ukraine’s sovereignty and territorial integrity, as well as its humanitarian and financial assistance and welcoming Ukrainians who fled the war.

I noted the importance of Serbia’s participation in the Peace Formula… pic.twitter.com/pDQlvU5xPF

— Volodymyr Zelenskyy / Володимир Зеленський (@ZelenskyyUa) February 28, 2024

“Unë e informova presidentin Vuçiç për situatën aktuale në vijën e frontit. Ne diskutuam gjithashtu sfidat e sigurisë dhe politike në Evropën Lindore.”

Kështu, kur Serbia nuk i vendos sanksione Rusisë për ta unifikuar diplomacinë me Bashkimin Europian pasi Vladimir Putin sulmoi ushtarakisht Ukrainën dhe Kryeministri Edi Rama i bëri thirrje BE-së që ta mirëkuptoj, shqiptarët mund të zemërohen dhe të shprehin habinë pse Ukraina nuk e pranon Kosovën, por duhet ta kenë të qartë se përkundër mikpritjes dhe humanizmit shqiptar ndaj ukrainasve të dëbuar nga votrat e tyre, pse Presidenti i Ukrainës, Volodymyr Zelenskyy, vëren re vetëm rëndësinë e pjesëmarrjes së Serbisë në zbatimin e Formulës së Paqes duke falënderuar shtetin serb për ndihmën e saj humanitare dhe financiare si dhe mirëpritjen e ukrainasve që ikën nga lufta, sikur se bëri dhe me Malin e Zi, Maqedoninë e Veriut, Bosnje Hercegovinën dhe Moldavinë ndërsa shpërfilli Shqipërinë dhe Kosovën!

Kur Ambasadori i Ukrainës, Volodymyr Tolkach, zgjodhi Agjencinë shtetërore serbe të lajmeve Tanjug për t’ju drejtuar qytetarëve të Serbisë, ku Kosovën e konsideron, siç u shpreh, “zonë sllave”, dhe shtoi se Presidenti Zelenskyy ka qëndrim të fortë se nuk do ta pranoj shtetin e Kosovës, ai foli për një botë reale ukrainase dhe shqiptarët nuk kanë arsye të jetojnë me iluzione!

Por, gjithashtu, kjo nuk duhet ti dekurajojë shqiptarët në mikëpritjen e ukrainasve të dëbuar nga forcat ruse si në Shqipëri ashtu dhe Kosovë, duke pasur parasysh se vetë shqiptarët kanë kaluar nëpër tmerret e luftës, kur një i çmendur vendos dhe i gjithë populli e mbështetë, të dëbon mbi një milionë banorë nga votrat e tyre, vetëm pse ishin shqiptarë!