Zgjedhjet e 8 Majit, Arben Taravari: Nëse nuk fitoj, tërhiqem nga politika!

Kandidati i koalicionit opozitar “ Vlen” në zgjedhjet presidenciale në Maqedoni të Veriut, Arben Taravari, në një intervistë për RFE tha se në raste se nuk fitonë në zgjedhje, pas 8 majit është i gatshëm të japë dorëheqje ndërsa vlerëson se 10 vjet në politkë janë të mjaftueshme.

“Në rast se nuk fitojmë në këto zgjedhje, unë mendoj se në të gjithë botën perëndimore është ashtu, në të gjitha vendet e zhvilluara është ashtu. Të paktën para organeve të partisë edhe pse tek ne kishte ngjarje të caktuara, nuk mu lejua nga bashkëpartiakët, që se paku një palë zgjedhje t’i çoj deri në fund, ndërsa unë ju thash se kërkoj besim nga të gjithë ju. Një palë zgjedhje, deri më 8 maj. Nëse nuk fitojmë më 8 maj unë jam këtu për të dhënë dorëheqje,” tha Arben Taravari.

Ndërkohë nëse fiton në zgjedhjet për president të Maqedonisë së Veriut, Arben Taravari është i qartë se hapi i parë do të jetë vizita në Bruksel për të marr garanci se nuk do të ketë kushte të tjera në rrugën e vendit drejt BE-së.

“Hapi i dytë, atë që do të jetë i mandatuari i ardhshëm do e thërras, sepse duhet t’i jepet mandati për formim të qeverisë. Nga ai do të kërkoja që të më japë dinamikë për ndryshimet kushtetuese, që t’i fillojmë sa më shpejt dhe të mos na përsëritet Bukureshti i vitit 2008,” tha Kandidati i koalicionit opozitar “ Vlen” në zgjedhjet presidencial në Maqedoni të Veriut , Arben Taravari, dhe në fund hapi i tretë, risi dhe për politikën e këtij vendi dhe jo vetëm: 

“Do të kërkoja nga partitë politike dhe Qeveria që të largohemi nga Ballkani i Hapur, si projekt, sepse nuk ka mbetur askush përveç Maqedonisë Veriut dhe Serbisë”