Zgjedhjet në PD, sot 5 Degë me Kryetar të ri

Komisioni i Organizimit dhe Kontrollit të Operacioneve Elektorale të Partisë Demokratike njofton se është mbyllur procesi zgjedhor për zgjedhjen e kryetarëve në 5 Degë të PD, dhe pas numërimit të fletëve të votimit u shpallën dhe fituesit:

– Kryetar i PD Dega Krujë, Xhevair Sali Bilja me 41% të votave.

– Kryetar i PD Dega Vorë, Pëllumb Ibraim Brusha me 80% të votave.

– Kryetar i PD Dega Maliq, Nevjon Xhevdet Kodrasi me 86% të votave.

– Kryetar i PD Dega Belsh, Dritan Flamur Cani me 94% të votave.

– Kryetar i PD Dega 14 Tiranë, Besim Mexhit Kuka me 78% të votave.

Ndërkohë zgjedhjet në PD Dega Bulqizë nuk u zhvilluan sot pasi, siç njofton Komisioni i Organizimit dhe Kontrollit të Operacioneve Elektorale, nuk u gjet një frymë konsensuale për procedurat e zgjedhjeve, dhe u vendos që zgjedhjet të zhvillohen të martën më 26 Prill.

Komisioni i Organizimit dhe Kontrollit të Operacioneve Elektorale falenderon të gjithë anëtarët që u bënë pjesë e procesit të votimit për zgjedhjen e Kryetarit të degës së tyre sipas parimit “një anëtar një votë”, për një Parti Demokratike më të bashkuar, më të fortë e më të hapur.