Zjarri te Astiri, në shënjestër vëllai i ndërtuesit Sino Llanaj

Shënjestër e zjarrit në një pallat në zonën e Astirit në Tiranë, ku u dogjën 4 automjete dhe mbetën të plagosur 8 persona, ishte një makinë tip “Range Rover” pronë e ndërtuesit Sino Llanaj.

Pronari i makinës lukzose të parkuar në garazhin e pallatit, raporton BW, ishte dhe vëllai i pronarit të pallatit.

Ndërkohë, ekspertët anti-eksploziv të RENEA-s po verifikojnë nëse mjetit tip “Range Rover”, ku ka nisur edhe fillimisht zjarri, i është vendosur ose jo lëndë plasëse apo i është hedhur lëndë djegëse. Dyshimet e para janë për lëndë djegëse.

Ndryshe, biznesmeni Sino Llanaj u plagos në janarin e vitit 2021, gjatë një konflikti.

një pallat në zonën e Astirit në Tiranë është përfshirë nga flakët, në orët e para të mëngjesit sot. Zjarri ka përfshirë një garazh në rrugën “Aleksandri i Maqedonisë”. Si pasojë e zjarrit janë lënduar tetë banorë, të cilët janë shkuar për mjekim në spital. “Kanë shkuar për mjekim në spital shtetasit: A. Xh., 28 vjeçe, F. J., 23 vjeçe, D. J., 27 vjeçe, I. Xh., 31 vjeçe, E. Xh., 27 vjeç, E. K., 35 vjeçe, M. B., 48 vjeçe dhe N. B., 50 vjeç, të cilët pasi kanë marrë ndihmën e parë mjekësore, janë larguar,” njofton policia ndërkohë mësohet se nga zjarri janë djegur 4 automjete. Flakët kanë shkaktuar panik ndër banorët e pallatit të cilët menjëherë u larguan ng apartamentet e tyre.