Zyrtare/ Tragjedia në Athinë, e plagosur një 63-vjeçare nga Berati

Ambasadorja shqiptare në Greqi, Ardiana Hodbari, identifikon shqiptaren e plagosur nga flakët që kanë shpërthyer në periferi të Athinës.

Deri në këto momente vetëm ky është rasti i raportuar zyrtarisht.

Bëhet fjalë për një grua 63 vjeçare nga Berati.

“Për sa i përket qytetarëve shqiptarë deri tani zyrtarisht kemi të konfirmuar nga Zyra e Emergjencave dhe Zyra e ministrisë së Punëve të Jashtme dhe ministrisë së Shëndetësisë greke një shtetase të lënduar të cilën ambasada e kontaktoi duke vajtur në spitalin Evangjelizmo.

Ajo është totalisht jashtë rrezikut për jetën. Ajo është një 63 vjeçare nga Berati që jetonte në një nga zonat më të prekura nga zjarret. Mbetemi në kontakt me autoritete greke për të marrë të dhëna zyrtare”, tha Hobdari për Oranews.