102 vjetori, DPA: Ekpozitë me dokumente origjinale “Kongresi i Lushnjes”
Me rastin e 102-vjetorit të organizimit të Kongresit të Lushnjes, Drejtoria e Përgjithshme e Arkivave, DPA, në bashkëpunim me Galerinë e Artit Tiranë do të zhvillojë nesër ekspozitën me dokumente origjinale “Kongresi i Lushnjes”.
Duke ftuar qytetarët në hapjen e kësaj ekspozite nesër, 28 Janar 20022, në orën 12:00, DPA thekson se tema e dokumenteve të paraqitura është fokusuar tek organizimi i Kongresit të Lushnjës, procesverbalet e secilës mbledhje me vendimet përkatëse, qeveria e parë e dalë nga ky Kongres, aktet e para zyrtare, dhe sigurisht ai i caktimit të Tiranës si kryeqytet i përkohshëm.
Këto dhe shumë materiale të tjera, të shoqëruara dhe me fotografi që ruhen në fototekën e Drejtorisë e Përgjithshme e Arkivave, do të prezantohen për publikun e kryeqytetit dhe jo vetëm, në Galerinë e Artit Tiranë.
