“11 Dhjetori”, Gazment Bardhi kërcënon gjyqtarin, Komisioni Rithemelimit: Do përgjigjet para ligjit

“Nesër është e pamundur të shqyrtohet. Ajo çka është bërë është çmenduri. Nëse gjyqtari i ka thënë burgut hapu, mund të bëjë çdo lloj çmendurie. Prandaj me shumë gjasa nuk do të ketë një vendim!” Ishte ky kërcënimi i Sekretarit të Përgjithshëm të shkarkuar të PD, Gazment Bardhi, drejtuar gjyqtarit të çështjes i cili pritet të marrë nesër vendimin për regjistrimin e Kuvendit të 11 Dhjetorit, që ka bërë të reagoj Komisioni i Rithemelimit të Partisë Demokratike duke e cilësuar si vepër të rëndë penale.

“Deputeti Bardhi me sulmin dhe kërcënimet e tij publike ndaj gjykatësit para dhënies së vendimit po kryen një vepër të rëndë penale, për të cilën ai do të vendoset para ligjit,” thekson Komisioni i Rithemelimit duke e dënuar me ashpërsinë më të madhe këtë qëndrim të padenjë që përbën vepër flagrante penale dhe shton se sulmi i Bardhit ndaj gjykatësit, shpifjet, dhe trillimet e tij lidhen para së gjithash me çështje të tija personale me ligjin për të cilat ai mban përgjegjësi direkte, dhe nuk kanë asnjë lidhje me Partinë Demokratike dhe normat e saj.

Ndryshe, një ditë para shqyrtimit nga Gjykata e Tiranës të regjistrimit të Kuvendit Kombëtar të Partisë Demokratike të 11 dhjetorit si dhe vendimet e këtij Kuvendi, Ish-Ministri i Drejtësisë Gazment Bardhi në një emision televiziv është shprehur:: 

“Së pari Gjykata duhet të ketë kujdes dhe gjyqtari përkates mos t’i futet aventurave siç është futur gjatë këtyre dy ditëve. Gjyqtari nuk ka dosje dhe kanë caktuar një datë pasi ka takuar një përfaqësues të Berishës. Nesër është e pamundur të shqyrtohet. Ajo çka është bërë është çmenduri. Nëse gjyqtari i ka thënë burgut hapu, mund të bëjë çdo lloj çmendurie. Prandaj me shumë gjasa nuk do të ketë një vendim.”

Reagimi:

“Sot, para vendimit te gjykates per Kuvendin e Partise Demokratike te dates 11 Dhjetor te vitit 2021 deputeti Gazment Bardhi ka ndermarre ndaj gjykatesit te çeshtjes nje sulm kercenues te pa shembullt qe nga sulmi ndaj kolegjit zgjedhor te Edvin Rames ne vitin 2007.

Deputeti Bardhi me sulmin dhe kercenimet e tij publike ndaj gjykatesit para dhenies se vendimit po kryen nje veper te rende penale, per te cilen ai do te vendoset para ligjit. 

Partia Demokratike denon me ashpersine me te madhe kete qendrim te padenje qe perben veper flagrante penale dhe shton se sulmi i Bardhit ndaj gjykatesit, shpifjet, dhe trillimet e tij lidhen para se gjithash me çeshtje te tija personale me ligjin per te cilat ai mban pergjegjesi direkte, dhe nuk kane asnje lidhje me Partine Demokratike dhe normat e saj.”