250 vjet SHBA, Trump: Betohemi, Amerika nuk do të jetë kurrë një vend komunist!
Presidenti i Shteteve të Bashkuara, Donald Trump, u bëri thirrje amerikanëve të mbrojnë liritë e tyre nga kërcënimi komunist, duke folur nën hijen e Mount Rushmore dhe nën vështrimin e skalitur në gur të George Washington, Thomas Jefferson, Theodore Roosevelt dhe Abraham Lincoln, ku dhe bvëri deklaratën solemne: Betohemi se Amerika nuk do të jetë kurrë një vend komunist!”
“Ne kemi Kushtetutën më të drejtë dhe më jetëgjatë në botë. Jemi vendi më i fortë dhe më i fuqishëm në botë dhe, me hirin e Zotit, Shtetet e Bashkuara janë kombi me më shumë sukses, me arritjet më të jashtëzakonshme dhe më të vlerësuara që kanë ekzistuar ndonjëherë në historinë e njerëzimit. Dhe është nder të jem presidenti juaj,” u shpreh Presidenti Trump ndërsa vlerësoi Deklaratën e Pavarësisë nga 4 korriku i vitit 1776, kur delegatët e 13 kolonive britanike të Amerikës nënshkruan Deklaratën miratuan duke njoftuar shkëputjen nga Britania.
"USA!" chants break out as President Trump takes the stage at Mount Rushmore! Turn to Fox News to watch the keynote address live as it happens. @america250 @freedom250 pic.twitter.com/rMx35lVh0V
— Fox News (@FoxNews) July 4, 2026
“Fjalët e Deklaratës sonë kanë shkaktuar një tërmet: ato nisën një revolucion që nuk është mbyllur kurrë dhe që vazhdon ende sot,” tha Presidenti amerikan para katër presidentëve historik të skalitur në gur duke u zotuar”
“Ne qëndrojmë nën monumentin e këtyre heronjve, një grup i vërtetë njerëzish të jashtëzakonshëm, dhe ia ripërkushtojmë veten të jemi një komb po aq i madh, i guximshëm, fisnik dhe i fortë sa këta gjigantë amerikanë. Nuk është e lehtë, por ne do ta lejojmë të ndodhë.”
Duke folur për rrezikun aktual nga komunizmi, Trump tha se komunizmi është armik i popujve të lirë kudo që ndodhen, armik i Kushtetutës dhe armik i 4 korrikut 1776, ndërsa kritikoi ashpër edhe ata që heshtin për historinë e errët të komunizmit.
“Po dëshmojmë rikthimin e kërcënimit komunist në vendin tonë, përfshirë edhe nga të sapoardhurit në vendin tonë, të cilët përqafojnë ide diametralisht të kundërta me mënyrën tonë të jetesës dhe suksesin tonë të madh,” vazhdoi Trump duke u zotuar:
“Nuk do ta lejojmë që kjo të ndodhë,” tha Presidenti amerikan duke e bërë të qartë se Amerika nuk do të jetë kurrë një vend komunist!
“Partia Komuniste përbëhet nga emigrantë të paligjshëm, kriminelë dhe nga kushdo që nuk duhet të punojë. Komunizmi është një dështim. Ka qenë gjithmonë një dështim dhe mbetet i tillë. Është një dështim total. Shikoni njerëzit që e promovojnë atë. Në vigjilje të këtij 250-vjetori të lirisë amerikane, ne deklarojmë dhe betohemi se Amerika nuk do të jetë kurrë një vend komunist,” tha Trump duke u shprehur qartë se komunizmi përfaqëson një kërcënim vdekjeprurës për lirinë amerikane, është kërcënimi më serioz që vendi ynë ka përballuar ndonjëherë, madje më i madh se Lufta e Parë dhe e Dytë Botërore, Pearl Harbor apo 11 Shtatori, ndërsa e pranoi:
“Ne mund t’i humbim zgjedhjet e mesmandatit vetëm nëse i lejojmë vetes t’i humbim ato!”
PRESIDENT TRUMP celebrates America from Mount Rushmore and delivers a fierce rebuke to communism: "Communism is a loser. It always was, and it is right now." @America250 @Freedom250 pic.twitter.com/ScB5tzp1kP
— Fox News (@FoxNews) July 4, 2026
“Morali komunist, pa Zot, mbështet idenë se çdo mjet justifikohet për të realizuar vizionet e tij çnjerëzore. Nuk respekton ligjin, drejtësinë, traditën apo të drejtat e dhëna nga Zoti. Është një ideologji e ndërtuar mbi vjedhje, kontroll, gënjeshtra dhe vrasje masive,” tha Presidenti i SHBA, Donald Trump, duke përmbyllur fjalimin e tij prej rreth 30 minutave mes duartrokitjeve:
“Mund të jesh besnik ndaj Karl Marksit ose ndaj Amerikës, mund të jesh komunist ose patriot, por nuk mund të jesh të dyja!”
