8 Dhjetor/ Ftesë, Grupimi Dhjetor’90: Të rinisim betejën tonë për Liri dhe Demokraci…

Në 8 Dhjetorin e lirisë, kur protestat kanë pushtuar vendin dhe Shqipëria është në udhëkryq, sipas vlerësimit të Grupimit  Dhjetor’90, bëhet Ftesë për të gjithë:

“Banorë që po ju shëmben shtëpitë, studentë që po ju kushtojnë studimet në Shqipëri më shtrejntë se bashkëkombasve tuaj në Gjermani dhe Itali, artistë të braktisur që keni mbi 200 ditë që protestoni për të mbrojtur vlerat historike dhe arkitektonike të kryeqytetit, sipërmarrës të vegjël e të mesëm që po falimentoni çdo ditë, prindër që po detyroheni ti ‘nxisni’ fëmijët tuaj të braktisin Shqipërinë nga mungesa e shpresës dhe besimit, njerëz që ju ka cënuar liria, qytetarë të përgjegjshëm që e doni Shqipërinë,” ju ftojmë, thekson Grupimi Dhjetor’90, që të mblidhemi:

“Më 8 Dhjetor, në orën 10:00, në Qytetin Studenti, që të rinisim betejën tonë.për Liri, Demokraci dhe Prosperitet aty ku nisi në Dhjetor të 90-s.”

Të bashkuar mund t’ja dalim, së bashku mund ta ndalim të keqën…