Rama s’ikë!
nga Agim Popoci
Kryeministri Edi Rama braktisi një studio televizive kur u pyet se a do të jap dorëheqje nëse humb zgjedhjet e 25 Prillit! Një ditë më vonë, u shfaq në studion e një militanti tjetër socialistë dhe ndonëse u shprehë se nëse nuk merr 71 mandate asnjë bashkëpunim nga halli s’është i gatshëm të bëj dhe Partia Socialiste nuk do mbarojë nëse mbaron karriera e tij, Edi Rama ishte i prerë se PS do të marrë nga 74 deri në 78 deputetë.
Ky nuk ishte thjeshtë një konfirmim i transformimit të një politikani autoritar në diktator por një paralajmërim për të gjithë ata që ëndërrojnë një tranzicion të qetë të pushtetit dhe tundin parullën “Rama ik”, se mund të ngelin me parullë në dorë si me humbjen ashtu dhe me fitoren e 25 Prillit!
A është kjo një situatë e pashpresë?!
Përkundrazi! Paradoksalisht Edi Rama mund ti bëjë një shërbim të madh shqiptarëve dhe Shqipërisë, nëse vjedh zgjedhjet duke realizuar ëndrrën e tij me fitoren e 74-78 mandateve; Dhe, Edi Rama mund ti bëjë një shërbim të madh shqiptarëve dhe Shqipërisë, edhe nëse humbet zgjedhjet por, nuk e pranon humbjen. Si?!
Fitorja me 74-78 mandate e Partisë Socialiste nuk është fitore e një mandati por zgjatje e jetës për 3-4 muaj të një pushteti të kalbëzuar që pashmangshmërisht do të përfundoj në një konflikt social ku Shqipëria nuk do ti duhet më as PS-së, por as Edi Ramës me patronazhistët e tij.
Sot Kryeministri Edi Rama në grahmat e tij të fundit po vështrohet me qetësi dhe dashuri nga shqiptarët sepse ditët i ka të numëruara dhe pavarësisht propagandës, nuk është miku i tij Ilir Meta që po i shpalos petët e lakrorit socialist të mashtrimeve. Dhe jo vetëm kaq! Stadiumet përplot me militantë ku shfaqet Edi Rama, janë thjeshtë një sukses i regjisorëve të dramës komuniste, dramë e cila u realizua pas rënies së Murit të Berlinit dhe me ndihmën e Sigurimit të Shtetit edhe sot arrin të ketë ndjekës me po aq zell kriminal!
Por, në situatën në të cilën ndodhet Shqipëria në duart e patronazhistëve, shpërthimi nuk do të mungoj edhe nëse Edi Rama humb zgjedhjet! Kjo do të ndodhë nëse ai nuk e pranon humbjen!
Vetëm këtë nuk e kanë parashikuar regjisorët e kësaj drame kriminale që me ndihmën e neritanëve dhe cekave arritën me plotë sukses ta inskenojnë rënien e bustit të Enver Hoxhës dhe fundin e komunizmit, dhe sot mendojnë se mund të qetësojnë shpirtrat shqiptarë nëse ata dëgjojnë se po thirret në zë: Rama ik!
Sot, në 30 vjetorin e këtij eksperimenti të Sigurimit të Shtetit, të gjithë kundërshtarët e tranzicionit të qetë të pushtetit nga duart e Ramiz Alisë, ndjehen të plotësuar sepse nuk ka më Neritan as Cekë që mund ti orientoj shqiptarët nëse s’duhet të shkojnë nga Blloku ose Surreli!
Sot, pas 30 vjetësh, pak rëndësi ka nëse Edi Rama fiton 74 mandatet ose nuk e pranon humbjen, shqiptarët nuk do të kërkojnë më bukë sepse janë të uritur por sepse janë të vjedhur! Sa dollarë janë në arkën shtetërore, këto janë përralla për bufët dhe yllët e kuq, dhe sot shqiptarët nuk u besojnë më as mediave që Edi Rama ka nën kontroll dhe u flet për miliardat arabe që do ti sjellë Porti i Durrësit!
Sot, pas 30 vjetësh, shumë shqiptarë që kanë shitur kasetofon e televizor ose dhe ata që janë marrë me shitje karburanti, nuk kanë qendra tregtare ose aeroporte ama shohin që në Shqipëri janë ca koka prej tyre që kapardisen në krah të Kryeministrit Edi Rama. Që absurdi të jetë edhe më i madh, janë dhe kokëbosh, dy fjalë si lidhin dot ama japin leksione biznesi thuase i ka lindur sperma e Bill Gates!
Sot pas 30 vjetësh, shqiptarët nuk e kanë pritur dhe as nuk e shijuan shëndetësinë falas për të cilën foli Edi Rama 8 vjet më parë. Por, edhe pse nuk e kanë pritur po e shijojnë realitetin me shqiptar në krah të Kryeministrit, që jo vetëm se ka spital por edhe blen spital! Dhe jo vetëm kaq! Duke parë ekranë të ndryshëm nëpër spitale, nuk i interesoi fakti pse transemtohen grafiqe të ndryshme por iu mbush mendja dhe u bë edhe pronar televizioni!
Sot pas 30 vjetësh, mund të ketë opozitarë që falin hajdutët dhe kriminelët komunistë por jo edhe opozitë! Sot opozita ka në krah por edhe përballë popullin e vjedhur dhe me familje të shkërmoqura nga keqqeverisja, dhe ai që merr pushtetin tashmë duhet të mendoj mirë pse keqbërësit duhet të përfundojnë para drejtësisë.
Sot, pas 30 vjetësh, as të përndjekurit politik nuk janë më të vetmuar sepse Edi Rama me ndihmën e patronazhistëve të tij arriti të krijoi një popull të përndjekur politik i cili survejohet 24 orë nga partia e tij kriminale, PS!
Dhe në fund, për të gjitha këto arsye, sot, pas 30 vjetësh, mund të ketë pantronazhist dhe në momente deliri edhe vetë Kryeministri Edi Rama që e çon nëpër mend: “Rama s’ikë!”
Por, shqiptarët që janë nisur 30 vjet më parë, dhe radhët u janë shtuar ndër vite pa meritën e tyre, sot nuk kanë më statujë për të tërhequr zvarrë kur të mbërrijnë në destinacion. Kanë vetëm kokën që drejton shtetin!
