Fitore për popullin shqiptar, Basha: Fitore për Aleancën për Ndryshim

Pas mbylljes së Qendrave të Votimit dhe publikimit të rezultateve të Exit Polleve, Kryetari PD, Lulzim Basha, tha se kjo është një fitore e qartë për popullin shqiptar, një fitore e qartë për Aleancën për Ndryshim.

“Faleminderit gjithë qytetarëve të Shqipërisë që zgjodhën ndryshimin. Kjo është nje fitore e qartë për popullin shqiptar, një fitore e qartë për Aleancën për Ndryshim.

Vullneti i popullit është në kutitë e votimit. Kam besim të plotë se komisionerët dhe numëruesit  do ta menaxhojne proçesin me përgjegjësi dhe durim dhe sipas ligjit,” tha Lulzim Basha duke përfunduar:

“Siç kam thënë në fillim të fushatës, në fund të këtij proçesi Shqipëria fiton.”