Zgjidhja e Gjermanisë, fillimi i fundit të konfliktit Kosovë-Serbi!
Mund të jetë fillimi i fundit i konfliktit Kosov-Serbi. Presidentët e të dy vendeve, Aleksandar Vuçiç dhe Hashim Thaçi, do të vazhdojnë bisedimet për normalizimin e marrëdhënieve në Bruksel të dielën, dhe ata duan të arrijnë një marrëveshje historike në Bruksel, shkruan gazeta zvicerane Neue Zürcher Zeitung.
Duke rikujtuar marrëveshjen e nënshkruar në vitin 2013, dhe detajet e saj, e përditshmja zvicerane konstaton se zotimet që kanë marrë të dyja palët janë përmbushur pjesërisht.
Në një situatë të brishtë edhe 19 vjet pas përfundimit të luftës, në fund duhet të arrihet një zgjidhje e qëndrueshme e mosmarrëveshjes. Njohja e plotë e Kosovës nga Beogradi aktualisht është përjashtuar sepse pesë shtete anëtare të BE po e mohojnë atë dhe Moska po i mban serbët në Këshillin e Sigurimit të OKB, shkruan
Neue Zürcher Zeitung duke shtuar se janë diplomatët gjermanë ata që kanë ofruar një zgjidhje për çështjen e Kosovës. Ata mendojnë ta përshtatin marrëveshjen e vitit 1972 mes Gjermanisë dhe Republikës Demokratike të Gjermanisë për çështjen në fjalë. Si rezultat I kësaj marrëveshje Serbia do ta njihte faktikisht Kosovën, por jo ligjërisht dhe nuk do ta pengonte anëtarësimin e saj në OKB. Dhe nga ana tjetër, Serbia do të bëhet anëtare e BE, shkruan e përditshmja zvicerane.
Zyrtarët evropianë janë shprehur në dhjetëra raste se janë të mirëpritur shtetet kandidate për anëtarësim pa konflikte kufitare ndërkohë si Vuçiç ashtu edhe Thaçi kanë deklaruar se duan ti japin fund një “pazari historik”. Por pyetja në fakt është se me çfarë çmimi Beogradi është i përgatitur të njohë pavarësinë e Kosovës sipas ligjit ndërkombëtar. Pozicioni Vuçiç është se konflikti i pazgjidhur përbën një barrë për brezat e ardhshëm. Në kohën e marrëdhënieve të paqëndrueshme ndërkombëtare, konfliktet e ngrira mund të shkrijnë shpejt dhe të shndërrohen në çështje të “nxehta”, thekson Neue Zürcher Zeitung duke folur edhe për përpjekjet e presidentit të Serbisë me organizimin e dëgjesave sociale me popullin, që synonin demonstrimin e një zgjidhje të mundshme të problemit Kosovës. Dhe përkundër dominimit të opinionit me mediat e regjimit opozita nuk është se ka ndonjë ide të re. Herë pas here flitet për ndarje të Kosovës apo shkëmbim të territoreve: veriut të Kosovës me Luginën e Preshevës. Por Washingtoni dhe Berlini as që duan të dëgjojnë për këtë mënyrë të zgjidhjes së problemit, shkruan e përditshmja zvicerane.
Kisha është pa kompromis
Kisha, nga ana tjetër, e ka bërë qartë qëndrimin e saj. Një njohje e Kosovës nuk është e pranueshme në asnjë rrethanë, thotë Patriarku Irinej: Ajo që u mor me forcë, mund të riparohet një ditë. Por ajo që jepet vullnetarisht humbet përjetësisht. Peshkopët padyshim preferojnë status quo-n për një kompromis historik, shkruan Neue Zürcher Zeitung duke e përshkruar pozicioni e Vuçiçit si jo të lehtë. Ai tashmë ka një ndikim të fortë, sidomos kur Berlin premton një zgjidhje të qëndrueshme. Duke vepruar kështu, pozita e tij e padiskutueshme e pushtetit në vend e ndihmon atë. Por, protestat e ashpra kundër rritjes së çmimit të karburantit, tregojnë se fryma e kundërshtimit po rritet në popullsi. Një ditë mund të rindez çështjen e Kosovës, parashikon NZZ duke përfunduar:
Të dyja palët janë të pakënaqur me negociatat e shefes së politikës së jashtme të BE, Mogherini. Ajo ishte shumë pasive dhe shumë e zënë me çështje të tjera. Fakti që kartat duhet të riorganizohen në një konferencë të madhe ndërkombëtare për Kosovën, siç shkruajnë mediat e Beogradit, është vetëm një dëshirë e Serbisë.
