Kardinali shqiptar, Ernest Simoni nderohet me çmimin “Thomas Morus”
Kardinal Ernest Simoni merr çmimin „Thomas Morus“, si një themelues i rendit të vjetër të Shen Gjergjit -St.Georg dhe përfaqësues i të gjithë shqiptarëve të persekutuar në komunizëm për angazhimin e tyre ndaj besimit të krishterë.
Në një ceremoni ku ishin prezent Nuni Apostolik, S.E. Peter Zurbriggen, si dhe abati Maximilian Heim OCist, në manastirin e dytë të vjetër Cistercian Heiligenkreuz afër Vjenës, eminenca e tij, Kardinal Ernest Simoni, mori çmimin “Thomas Morus“, si një themelues i rendit të vjetër të Shën Gjergjit -St.Georg.
Është një nder i jashtëzakonshëm, që Dom Ernest Simoni është kualifikuar për këtë çmim, për shkak se ai, sipas modelit të Lordit Anglez dhe burrë shteti Sir Thomas More, ka dhënë vazhdimisht dëshmi gjatë regjimit komunist të Enver Hoxhës, 27 vjet kundër tij, për besimin e tij të krishterë, thirrjen e tij si prift katolik dhe për primatin e së vërtetës në krahasim me pushtetin tokësor, thuhet në komunikatën e dërguar nga rendi i Shën Gjergjit (St. George Orden) Ai gjithashtu merr çmimin si përfaqësues i të gjithë shqiptarëve të persekutuar në komunizëm për angazhimin e tyre ndaj besimit të krishterë.
Në këtë aktivitet, morën pjesë përfaqësues të lartë nga politika, shkenca dhe kërkimi, akademia, si dhe nga komuniteti i biznesit, thekson komunikata e firmosur nga Peter Stolberg, sekretar i Rendit të Shën Gjergjit (St.Georg Orden).
Ndryshe, çmimi “Thomas Morus“ përbëhet nga një medalje e madhe argjendi, një certifikatë e nënshkruar nga Guvernatori i rregullit, Princ Gundakar nga Liechtenstein dhe një shbërblim prej 5000 €, në llogari të kardinalit, për qëllime bamirësie.
