Edhe 112 raste, 154.636 të prekur me koronavirus në Maqedoninë e Veriut

Pas testimit të 4.196 personave gjatë 24 orëve të fundit 112 prej tyre rezultuan pozitiv me COVID-19 duke e çuar në 154.636 numrin e të prekurve me koronavirus në Maqedoninë e Veriut. Duke përditësuar të dhënat, Instituti i Shëndetit Publik raporton për 13 qytetarë që humbën betejën me koronavirusin gjatë 24 orëve të fundit ndërsa janë shëruar 2.179 pacientë.

Nga koronavirusi në Maqedoninë e Veriut deri më tani kanë vdekur 5.197 persona, janë diagnostifikuar 154.636 të infektuat, 145.606 janë shëruar ndërsa raste aktive aktualisht janë 3.833.

Shkupi kryeson si për nga numri i të prekurve ashtu dhe për nga numri i viktimave ndërkohë Ministria e Shëndetësisë raporton se situata në Spitalet Covid është e qëndrueshme dhe se shumica e klinikave po i rikthehen normalitetit. Gjithsej 207 pacientë të prekur po trajtohen në repartet infektive në Shkup.