Mbërrijnë turistët e parë, Kroaci: Nga Praga priten 30 mijë me tren

Me trenin e parë sezonal të RegioJet të linjës Prag-Zagreb-Rijeka/Split, në stacionin e trenit në Rijekë arritën sot 150 turistët e parë, ndërsa RegioJet bënë të ditur se për këtë linjë hekurudhore janë shitur mbi 30 mijë bileta.

Treni u nis pasditen e së premtes nga Praga me rreth 400 pasagjerë. Një pjesë e trenit u nda në Ogulin dhe u nis drejt Splitit, ku pritet të mbërrijë në orët e pasditës.  

Në Rijekë turistët u pritën nga Drejtori i Bashkësisë Turistike të Kroacisë, HTZ, Kristjan Staniçiç, Drejtori i Bashkësisë Turistike të qytetit të Rijekës, Petar Shkarpa dhe Kryetari i Bashkisë, Vojko Obersnel. 

Drejtoria e Transportit Hekurudhor të Kroacisë bënë të ditur se në çmimin e biletës së trenit përveç kafes, ujit, mëngjesit dhe Wi-Fi, nga Ogulini, Graçaci, Rijeka dhe Spliti është përfshirë edhe vajtja në destinacion me autobus, kudo qoftë në bregdetin kroat.