Dy Kryeministrat më të dështuar të Kosovës i japin leksione Albin Kurtit

Qytetarët e Kosovës menduan se prodhuesi më i madh i broçkullave në këtë vend aktualisht është Zëdhënësi i Qeverisë, Përparim Kryeziu, por dy Ish-Kryeministrat e Kosovës dëshmuan se ai ka një konkurrencë të fortë dhe garën nuk e ka të lehtë. Në seancën e sotme të Parlamentit të Kosovës, përkundër faktit se janë dy Kryeministrat më të dështuar në historinë e Kosovës, si Ramush Haradinaj ashtu dhe Avdullah Hoit nuk dënjuan ti japin leksione Albin Kurtit.

Ish-Kryeministri i Kosovës dhe Kryeari i AAK-së, Ramush Haradinaj, i ka propozuar qeverisë që të formojë sa më parë komisionin për shënjimin e kufirit. Në pjesën e deklarimeve jashtë rendit të ditës, Haradinaj tha se akoma nuk janë vendosur gurët në kufirin Kosovë Mali i Zi, dhe kjo gjë duhet të bëhet.

“I propozoj qeverisë së re, ndoshta nga mospërvoja. Së pari qeveria duhet ta formojë komisionin shtetëror për shënjimin e kufirit, është veprimi i parë që duhet bërë, ky komision duhet me qenë funksional. Ju përkrahim si Aleancë, qoftë me ekpertizë, e kemi përkrah edhe në të kaluarën,” tha Haradinaj në Parlament duke e keqpërdor sërish kartëne kufirit për të cilin ra dhe qeveria dhe liberalizimi i vizave dhe asgjë nuk ndryshoi edhe kur vetë ai u bë Kryeministër. Por kjo nuk e pengoi që ai nga foltorja e Parlamentit të Kosovës ti jap leksione Albin Kurtit:

“Ende nuk janë qitë gurtë Kosovë-Mali i Zi. Komisioni duhet të krijohet. Mos harroni ky parlament ka hy në obligim me i zbatu të gjeturat e komisionit shtetëror, të votuar në këtë parlament,” tha ai pa sqaruar se pse ai nuk e realizoi këtë obligim dhe sot pa e kuptuar se si dhe pse shkohet në arbitrazh e sugjeron atë.

“Nuk duhet krujuar tensione të panevojshme por të shkohet në Arbitrazh”, përfundoi ai.

Ndërsa Ish-Kryeministri deputeti i LDK-së, Avdullah Hoti, padyshim Kryeministri më dështuar në historinë e Kosovës, paaftësia e të cilit është vështirë të tejkalohet edhe në të ardhmen tha sot në Parlament se qeveria e Albin Kurtit duhet të kujdeset që të realizohen projektet e Marrëveshjes së Washingtoni përndryshe s’do ta kenë gjatë qeverisjen.

Dhe jo vetëm kaq! Paaftësin e tij, Ish-kryeministri Hoti e ulë në nivelin e zëdhënësit të Qeverisë së Kosovës, Përparim Kryeziu, duke kërkoi nga Qeveria të kërkojë falje për deklaratat se Marrëveshja e nënshkruar në Shtëpinë e Bardhë e cenon sovranitetin.

“Qeveria e Kosovës nuk ka marrë asnjë hap në këtë drejtim. Asgjë nuk është bërë në çuarjen përpara të kësaj marrëveshje. Këta që tani janë në qeveri unë i ftoj të kujdesen për realizimin e projekteve të kësaj marrëveshje, ju garantoj se ndryshe nuk do ta kenë gjatë në qeveri siç nuk e kanë pasur gjatë as vitin e kaluar. Ju njoftoj gjithashtu se admininstrata e presidentit Biden e ka konfirmuar se do të vazhdojë të realizojë këtë marrëveshje sepse kjo marrëveshje është në përputhje me interesat e përbashkëta të Kosovës dhe SHBA-së dhe me interesat e SHBA-së në rajon. Në letrën që presidenti i dërgon Kongresit e njofton se janë ndarë 200 milionë dollarë për projekte të gazit në Kosovë në kuadër të MCC-së,” tha Hoti dhe pyeti qeverinë nëse raporti për studimin e fizibilitetit të Liqenit të Ujmanit që i është dorëzuar ekzekutivit e cenon sovranitetin e Kosovës.

“Marrëveshja e Washingtonit është kritikuar nga të gjitha partitë opozitare atëherë. Dje qeveria ka pranuar studimin e fizibilitetit për Liqenin e Ujmanit, ka qenë absurde të deklarohet atëherë se kjo Marrëveshje e nënshkruar në Shtëpinë e Bardhë ka cenuar sovranitetin e Kosovës. Këtë studim e kanë në dorë dhe unë pres deklarim të qartë të qeverisë lidhur me këtë pyetje. A e cenon sovranitetin e Kosovës studimi i fizibilitetit për Liqenit të Ujmanit i përgatitur nga mbrojtësi më i madh i sovranitetit të Kosovës, e udhës është që të kërkohet falje iu pata thënë atëherë të mos nguten edhe sot ju them të mos nguten.”

Sikur Haradinaj e Hoti ti flisnin stërnipave të tyre për kufirin Kosovë-Mali i Zi dhe Marrëveshjen e Washingtonit ndoshta edhe do të kishte kutpim por kur ata i flasin Albin Kurti që e kishin partner koalicioni opozitar dhe në pushtet, atëherë situata bëhet më komike se sa ta dëgjosh Përparim Kryeziun kur flet si një truproje pastiçerie për politikën e jashtme të Departamentit të Shtetit.