Pasi u shua një familje, policia bënë kontrolle në aksin Fier-Vlorë
Një ditë pas aksidentit të rëndë ku u shua familja prej 4 anëtarëve e Eduart Gushit, policia e Vlorës ka forcuar kontrollet në autostradën Fier-Vlorë. Deri më tani, sipas policisë, janë pezulluar mbi 25 leje drejtimi për shkak të shpejtësisë tej normave të lejuara.
Pavarësisht se Qeveria e Aksioneve dje pas aksidentit tragjik pezulloi 15 leje drejtimi për shkak të shpejtësisë së lartë, shoferët vazhdojnë drejtimin e makinave duke pasur parasysh aksionet e policisë vetëm pas aksidenteve tragjike. Madje njëi prej tyre u kap sot duke drejtuar makinën me 160 km/h.
Ndoshta për shumë qytetarë kjo nuk është normale por shoferët kanë kulturën e Kryemnistri Edi Rama. Pas çdo tragjedie shohin kontrolle të sforcuara si në rrugë, miniera, pallate me ashensor, pallate që çahen e shemben nga tërmetet, zona të përmbytura me ndërtime mbi kolektor, restorante ku helmohen nxënësit, dhe së fundi pandeminë ku duhet larë duart! Dhe, kur kalojnë ca ditë dhe tragjedia harrohet, policët marrin frymë lirshëm dhe kthehen në identitet, rrugaç!
Sa për policët rrugor, pandemia ka dëshmuar se në momentin që policët e këtij regjimi dilnin në aksion për maska, ata nuk çanin kokën pse makina futej në të kuqen kur këmbësori nuk kishte maskë, dhe duhej gjobitur! Ishin po këta policë që kur dilnin në aksion për rripin e sigurimit, shoferit i jepnin vetëm vërejtje pse nuk kishte koalidimin ama për rripin duhej të paguanin gjobën.
Kjo, pra është Shqipëria e Edi Ramës: Aksion për të paguar dritat, aksion për të paguar ujin, aksion për ndërtimet pa leje, aksion për kasat fiskale, aksion për tu integruar në BE, dhe jo zbatim të Ligjit! E kur i madhi e quan të mbyllur dhe të suksesshë aksionin, shqiptarët vazhdojnë jetën kaotike sërish duke mos përfillur as Shtet dhe as Zot!
Ndryshe, dje në aksidentin tragjik të shkaktuar nga një 22 vjeçar i fortë me baba të pasur, humbën jetën, Eduart Gushi, 44 vjeç, grua e tij, Silvana Gushi, 33 vjeçe, dhe dy vajzat e mitura, Anastasia dhe Eva, 14 dhe 9 vjeç.
