Kupa e Botës/ Grupi F, skenarët e çmendur: Kur rrezikojnë Gjermania, Meksika e Suedia…

Gjermania fitoi mbrëmjen e djeshme 2-1 ndaj Suedisë, ndërsa aktualisht ky grup krysohet nga Meksika me 6 pikë dhe pas tyre renditen gjermanët dhe suedezët me nga 3 pikë. Për momentin asnjë nga skuadrat e grupit F nuk e ka të sigurtë kualifikimin, madje në lojë dhe një shpresë minimale për kualifikim e ka edhe Korea e Jugut që pas dy ndeshjesh ka 0 pikë.

Por cilët janë skenarët që mbajnë me shpresë për kualifikimin 4 skaudrat në grupin F, ndërkohë që ndeshjet e fundit në grup janë: Gjermani-Kore e Jugut dhe Meksikë-Suedi. Rregullorja e re në Kupën e Botës parashikon si element përcaktues në kualifikim: pikët, golavarazhin e përgjithshëm, golat e shënuar, pa përfshirë ato të pësuar.

Gjermania kualifikohet kur:

– fiton ndaj Koresë së Jugut dhe Suedia nuk fiton kundër Meksikës.

– fiton ndaj Koresë së Jugut dhe diferenca e golave të gjermanëve është më e mirë se ajo e Meksikës apo Suedisë.

– barazon ndaj Koresë së Jugut dhe Suedia humbet kundër Meksikës.

– barazon ndaj Koresë së Jugut dhe Suedia kundër Meksikës përfundon barazim dhe pastaj diferenca e golave është më e mirë se e suedezëve.

– humbet ndaj Koresë së Jugut, Suedia humbet kundër Meksikës dhe pastaj diferenca e golave të gjermanëve është më e mirë se ajo e Suedisë dhe Koresë së Jugut.

Meksika kualifikohet kur

– fiton ose barazon ndaj Suedisë.

– humbet kundër Suedisë, ndërsa Gjermania nuk fiton ndaj Koresë së Jugut.

– humbet kundër Suedisë, ndërsa Gjermania fiton kundër Koresë dhe pastaj diferencën e golave e ka më të mirë sesa gjermanët.

Suedia kualifikohet kur:

– fiton ndaj Meksikës dhe Gjermania nuk fiton ndaj Koresë së Jugut.

– fiton ndaj Meksikës dhe Gjermania fiton ndaj Koresë së Jugut dhe pastaj diferenca e tyre e golave është më e mirë sesa ajo e Meksikës apo Gjermanisë.

– barazon ndaj Meksikës dhe Gjermania humbet ndaj Koresë së Jugut.

– barazon ndaj Meksikës dhe Gjermania barazon ndaj Koresë së Jugut dhe pastaj diferenca e golave është më e mirë se e Gjermanisë.

– humbet ndaj Meksikës dhe Gjermania humbet ndaj Koresë së Jugut dhe pastaj diferenca e golave është më e mirë se ajo e Gjermanisë dhe Koresë së Jugut.

Koreja e Jugut kualifikohet kur:

– fiton kundër Gjermanisë dhe Suedia humbet kundër Meksikës dhe pastaj diferenca e golave është më e mirë sesa e Gjermanisë dhe Suedisë.