Largimi nga jeta i Uran Kostrecit, Basha: Lajm shumë i trishtë!
Duke e cilësuar lajm shumë të trishtë largimin nga jeta të Uran Kostrecit, Kryetari i Partisë Demokratike, Lulzim Basha, e konsideron privilegj që njohu nga afër kampionin e qëndresës antikomuniste, këtë dëshmi të gjallë të asaj kohe të errët, një burrë që shumë vite i kaloi në kalvarin e burgjeve komuniste, por që nuk u përkul kurrë në idetë e tij për lirinë.
“Urani i bëri regjimit komunist qëndresë me poezitë e tij, e deri ditën e fundit jetoi si shpirt i lirë, me dëshmitë dhe poezitë e tij, që në çdo rresht ishin dëshmi e një zemre të madhe, pa mëri e plot dëshirë për të dhënë më të mirën nga vetja,” thekson Lulzim Basha në mesazhin e tij përmes rrjetit social Facebook duke përfunduar:
Do të na mungosh, u prehsh në paqe Uran!
Mesazhi:
Lajm shumë i trishtë largimi nga jeta i Uran Kostrecit.
Për mua ka qenë privilegj ta njoh nga afër kampionin e qëndresës antikomuniste, këtë dëshmi të gjallë të asaj kohe të errët, një burrë që shumë vite i kaloi në kalvarin e burgjeve komuniste, por që nuk u përkul kurrë në idetë e tij për lirinë.
Urani i bëri regjimit komunist qëndresë me poezitë e tij, e deri ditën e fundit jetoi si shpirt i lirë, me dëshmitë dhe poezitë e tij, që në çdo rresht ishin dëshmi e një zemre të madhe, pa mëri e plot dëshirë për të dhënë më të mirën nga vetja.
Do të na mungosh, u prehsh në paqe Uran!
