Raporti final i OSBE/ODIHR, Basha: Konfirmohet, më 25 prill u tjetërsua vullneti i shqiptarëve!
Pas publikimit të Raportit final të OSBE/ODIHR për zgjedhjet parlamentare të 25 Prillit, ka reaguar Kryetari i Partisë Demokratike, Lulzim Basha, duke konstatuar se Raporti konfirmon vullneti i shqiptarëve u tjetërsua ose e përmbledhur me dy fjalë: MASAKËR ZGJEDHORE!
“Raporti përfundimtar i OSBE/ODIHR konfirmon se me 25 prill u tjetërsua vullneti i shqiptarëve,” thekson Lulzim Basha në reagimin e tij përmes rrjetit social Facebook duke renditur disa nga konkluzionet e raportit përfundimtar të OSBE/ODIHR mbi 25 prillin ndërsa përfundon:
“Raporti konfirmon atë që të gjithë shqiptarët e dinë tashmë: 25 prilli nuk kishte lidhje me demokracinë dhe zgjedhjet e lira e të ndershme.“
Reagimi
Raporti përfundimtar i OSBE/ODIHR konfirmon se me 25 prill u tjetërsua vullneti i shqiptarëve. Këto janë disa nga konkluzionet e raportit përfundimtar të OSBE/ODIHR mbi 25 prillin:
– Blerja masive e votave.- Presioni ndaj votuesve.
– Shkrirja në një e partisë në pushtet me shtetin.
– Keqpërdorimi i aseteve publike në avantazh të partisë në pushtet.
– Abuzimi me pushtetin dhe funksionet publike.
– Rritje e punësimit në administratën publike me qëllime elektorale.
– Presion mbi administratën publike për të votuar partinë në pushtet.
– Përdorimi i fondeve të rindërtimit për të orientuar votën.
– Legalizime në këmbim të votës.
– Vjedhja e të dhënave private dhe personale të shqiptarëve nga partia në pushtet dhe ngritja e sistemit kriminal të patronazhistëve duke ushtruar përmes këtij sistemi presione dhe shantazhe ndaj qytetarëve.
– Përdorimi i grupeve kriminale për të ushtruar presion ndaj zgjedhësve.
– Ndryshimet kushtetuese të njëanshme, në kundërshtim me rekomandimet e Komisionit të Venecias.
E përmbledhur me dy fjalë: MASAKËR ZGJEDHORE!
Raporti konfirmon atë që të gjithë shqiptarët e dinë tashmë: 25 prilli nuk kishte lidhje me demokracinë dhe zgjedhjet e lira e të ndershme. https://www.osce.org/odihr/elections/albania/493687
