Kosova me masa më të rrepta Anticovid, qytetarët “arratisen” në Shqipëri

Mbi 25 mijë qytetarë të Kosovës kanë zgjedhur Shqipërinë për t’iu shmangur masave më të rrepta Anticovid që mori qeveria e pas rritjes së numrit të infektimeve me COVID-19.

Falë edhe procedurave lehtësuese që aplikohen në Morinë për të mos paraqitur asnjë dokument apo vërtetim që ka lidhje me pandeminë, lëvizja ditore në këtë pikë të përbashkët kufitare i kalon thuajse 25 mijë.

Mëngjesin e kësaj të shtunë kolona të gjata u krijuan deri në thellësi të territorit të Kosovës, ndërsa policia kufitare punoi me tetë sportele e procedurë të përshpejtuar për të shmangur vonesat në kufi.