Shkodër, burri vret me armë bashkëshorten dhe më pas veten

Një ngjarje tragjike ka ndodhur pasditen e sotme në Shkodër, ku një 79-vjeçar ka vrarë me armë zjarri bashkëshorten e tij 83 vjeçe, dhe më pas ka vrarë dhe veten.

Krimi i dyfishtë brenda familjes ka ndodhur në lagjen “Ahmet Haxhia” ku, sipas policisë, në vendngjarje është gjetur dhe sekuestruar në cilësinë e provës materiale arma e zjarrit automatik, me të cilën dyshohet se shtetasi F.B ka vrarë bashkëshorten S.B. dhe më pas veten.

Policia e Shkodrës bënë me dije se ngjarja e rëndë dyshohet se ka ndodhur para disa ditësh, por trupat e pajetë të çiftit janë zbuluar sot.

Informacion paraprak:

Sot me datë 18.08.2021 në lagjen “Ahmet Haxhia”, Shkodër, dyshohet se shtetasi F. B., 79 vjeç në banesë ka vrarë me armë zjarri bashkëshorten e tij shtetasen S. B., 83 vjeçe dhe më pas ka vrarë veten.

Në vendngjarje është gjetur dhe sekuestruar në cilësinë e provës materiale arma e zjarrit automatik me të cilën dyshohet se shtetasi F.B ka varrë bashkëshorten dhe më pas veten.

Nga veprimet e para hetimore dyshohet se ngjarja ka ndodhur para disa ditësh.

Grupi hetimor nën drejtimin e Prokurorisë Shkodër, vijon punën për sqarimin e plotë të rrethanave të kësaj ngjarjeje.