Nesër Këshilli Kombëtar i PD, pritet të zgjidhet Kryesia e re dhe…

Nesër Këshillit Kombëtar i Partisë Demokratike pritet të zgjedh strukturat e reja të partisë që do të udhëheqin betejën e radhës kundër Edi Ramës dhe shërbëtorit të tij që ka në shërbim, Partisë Socialiste, pas zgjedhjeve të 25 Prillit.

Nesër do të pushojnë dhe “projektet madhore” të ndryshimeve që shpalosen kafeneve rrotull selisë së Partisë Demokratike, por jo dhe asaj pranë selisë qendrore, ku do të konfirmohet nëse PD do të vazhdojë të ketë sërish një Këshill Kombëtar i cili para mbledhjes e ka të qartë se Lulzim Basha nuk bënë më për Kryetar ashtu si dhe Gazment Bardhi për Sekretar të Përgjithshëm, kurrëfarë pune s’bënë Çim Gjata, Nënkryetari Edmond Spaho duhet të ik, Fred Rushaj s’ka pse vjen ashtu si dhe Ervin Salianji etj. apo do të vazhdojë heshtja ndër demokratë, siç e do zakoni, për të lejuar që ikjet dhe prurjet në parti të menaxhohen nga Kryetari dhe strukturat do të jenë aty vetëm për të bërë aminin.

Ndryshe, Sekretari i Përgjithshëm i PD, Gazment Bardhi, ka bërë të ditur se Këshilli Kombëtar do të nisë punimet me 30 Gusht 2021 në orën 18:00, me këtë rend dite.

1. Konstituimi i Këshillit të ri Kombëtar dhe zgjedhja e Kryetarit të Këshillit Kombëtar.

2. Zgjedhja e Kryesisë dhe Sekretariatit të Partisë; e Kryetarit të Komisionit të Apelimit, Integritetit dhe Etikës; e Komisionit Zgjedhor; dhe të Bordit Financiar të Partisë.

3. Njoftimi i përbërjes së Kryesisë së Grupit Parlamentar të PD.

4. Caktimi i drejtuesve te Departamenteve të Këshillit Kombëtar.

Mbledhja e Këshillit Kombëtar të PD do të zhvillohet në Selinë e Partisë Demokratike.