PS strehë e askujt, Edi Rama: Dora e bashkëpunimit e shtrirë pa kushte për PD!

Kryeministri dhe Kryetari i PS, Edi Rama, para grupit të vjetër parlamentar dhe atijë që doli nga zgjedhjet e 25 prillit kishte përgatitur një spektakël i cili rezultoi i bezdisshëm edhe pse nuk ishte përgatitur nga Lali Eri.

Pas 8 vjet qeverisjeje korruptive, Edi Rama foli për qeverisje me duarë të pastëra dhe deputetë socialistë që nuk duhet të ngatërrohen me tenderë.

Pas 8 vjet terrori shtetëror ndaj opozitës sot Edi Rama e shtriu dorën e bashkëpunimit pa kushte me PD!

Dhe, pas 8 vjet qeverisjeje me përplasje të vazhdueshme me liderët e Kosovës sot tha se duhet të jenë më prezent në Kosovë. Sot, kur duhet jetësuar projekti serbomadh “Ballkani i Hapur” me kriminelin Aleksandar Vuçiç dhe askush nuk po e pranon, madje as “miku i tij” Albin Kurti i cili papritmas u përballë me një realitet shumë të hidhur: Ose duhet të pranoj “Ballkanin e Hapur” duke shkelur Kosovën për hatër të Ramës, ose duhet shkelur Vuçiçin dhe vëllaun e tij, Edi Rama, për ta shpëtuar Kosovën dhe gjithë Shqipërinë nga ekspansioni serb.

E për atat që ishin shqetësuar për ikjen e Gramoz Ruçit, Edi Rama i qetësoi duke e bërë të ditur se Ai do të vazhdojë të jetë krahu i tij i djathtë.

“Këtu jam me anëtarët e mandatin të dytë dhe ato të mandatit të tretë, që sapo fillon. Por, ne këtu jemi e do të jemi një skuadër, që nga Gramozi, i cili do vijojë të jetë në krahun tim të djathtë, pavarësisht se tanimë i vetëçliruar nga çdo funksion. Askujt të mos i vijë keq, por askush nuk e zë dot atë vend. Shumë prej jush ishin e do të jenë sërish në Kuvend, të tjerë janë e nuk do të jenë në qeveri, por ne jemi një skuadër dhe ndryshimet e roleve herë pas here janë vetëm funksion i skuadrës, e cila do ja dalë të realizojë vizionin e PS për Shqipërinë,” tha Edi Rama duke shtuar:

“Qeveria e re do të shpallet javën e ardhshme dhe ju natyrisht do të vijoni punën deri në minutën e kalimit të detyrës pa lënë asnjë ditë të shkojë kot. Fatmirësisht, kemi skuadër kampione ku ka shumë zgjedhje për çdo rol dhe kampionati 4-vjeçar që ka nisur të nesërmen e zgjedhjeve të fundit kërkon jo vetëm një formacion të mirë qeverisës, një kryesi të mirë të grupit parlamentar dhe një kryesi efektive të partisë, por edhe një stol rezervash të gjatë për të pasur në vijimësi mundësi energjizimi të situatës.”

Që qeverisjen e vendit nuk e ka me gjithë mend, Edi Rama e konfirmoi sot kur pas 8 vjetëve u kërkoi atyre që drejtuan dhe do të drejtojnë vendin që të bëjnë një vështrim kritik nga vetja, ndërsa paralajmëroi deputetët e rinj dhe të vjetër se çdo ndërhyrje apo ndikimke në tendera apo në mbajtjen në punë të njerëzve të papaftë do të konsiderohet armiqësore me qëllimet e shqiptarëve që kanë votuar Partinë Socialiste.

“Vërtetë kemi marrë një notë kaluese në zgjedhjet e 25 prillit si asjnëherë më pare, por sa më mirë akoma mund të kishim qeverisur? Sa ka peshuar në zgjedhjen e tyre mungesën e alternativës ndaj nesh? Sa ka qenë prania e deputetëve tonë dhe sa pozitive ishte marëdhënia e deputetëve me komunitetin? Sa e kanë ndikuar rezultatin tonë padrejtësitë, rryshfetet dhe qokat e administratës? Sa ka arritur të pastrohet PS nga drejtorë, shefa dhe zyrtarë të korruptuar që janë kosto morale dhe politike për ne dhe si do të shpëtojë nga kjo specie kjo parti? Sa gjak i ri ka hyrë në organismin e kësaj parti edhe se si do ta ripërtërijmë partinë? Këto dhe të tjera pyetje ka sa të duash. Kërkoj një vështrim kritik mbi vetvetën më parë duke rreshtuar fakte që mund të mos na pëlqejnë fare në mënyrë që të rritemi dhe të forcohemi më shumë. Çdo gjë nis nga vetja, si individ duke kërkuar brenda vets se çfare do të kishim bërë më mirë, çfarë nuk shkoi siç duhej,” tha Kryeministri kampion i qeverisë nepotike dhe të korruptuar duke shtuar se kjo skuadër duhet të luftojë nepotizmin dhe klientelizmin dhe se duhet t’u përgjigjet qytetarëve për problemet e tyre.

“Kjo që është sot këtë është skuadra drejtuese e PS, e vendit në 4 vitet e ardhshme. Është skuadra që do t’u përgjigjet qytetarëve për hallet dhe problemet e tyre. Duhet të përgatitemi për vendime jo të lehta, për punë të vështira. Duhet të jenë të gatshme të heqin dorë nga lojërat e dëmshme dhe teë padobishme që të luftojmë nepotizmin dhe klilentelizmin. Ndërhyrjet për të mbajtur në punë individë të paaftë, për të sistemuar në vende pune njerëz që nuk e meritojnë apo ndikime për në procese tenderash janë armiqësore me qëllimet e atyre që na dhanë besimin për të drejtuar vendin.”

Dhe, në morinë e fjalëve të pakuptimta zuri vend dhe paralajmërimi për të gjithë socialistët, që të bëjnë kujdes, pasi do të përballen me drejtësinë për çdo shkelje dhe abuzim me shërbimet publike.

“Duhet ta ngulni mirë në kokë se ndërhyrjet për të ndikuar në procese tenderash e vendimmarrje, janë armiqësore me qëllimet e atyre që na dhanë besimin për të drejtuar vendin. Janë të papajtueshme, janë të neveritshme, janë tradhtia më e madhe. Duhet të jetë e qartë për të gjithë ne, gjithë anëtarësinë e PS, por edhe për ata që na kanë zgjedhur ose jo, si dikush që e ka në ballë logon e PS, ekspozohet nga organet e drejtësisë si ndikues apo përfitues i të mirave publike, faji është i tiji, por turpi është i të gjithëve ne, nëse nuk e vendosim të qartë e të drejtë vijën e kuqe. Kjo skuadër nuk do të jetë kurrë as streha, as mburoja e askujt që cenon qëllimet dhe emrin e PS, me qëllimet e veta. Kjo parti nuk mban përgjegjësi pse një individ shkel mbi flamurin e saj të vlerave dhe parimeve, por mban përgjegjësi si reagon ndaj individit në fjalë, duke u distancuar nga veprimet e tij, por edhe prej tij vetë, kur në mes hyn drejtësia.”

Por, gjithë ky moral kërkonte dhe një shkëputje duke akuzuar dhe Partinë Demokratike që e identifikon vetëm si humbëse:

“Me sa kemi parë, nuk duket se PD ka nxjerrë ndonjë mësim nga humbja e pestë radhazi. I njëjti avaz duket se do të vazhdojë drejt humbjes së gjashtë e të shtatë radhazi. Akuzat dhe denoncimet ndaj kujtdo prej nesh nuk do të reshtin, por ne duhet të jemi të vëmendshëm ndaj çdo akuze publike, jo për të reaguar me të njëjtën monedhë, as për të rënë pre e vorbullës, por duhet të jemi të vëmendshëm për të verifikuar gjithçka që ata do të thonë. Në këtë pikë, nuk do të ketë asnjë kompromis, për askënd dhe për asnjë arsye, sepse çdo kompromis do të thotë që në duart tona të përgatisim disfatën e mandatit të tretë. Mandati i tretë duhet të jetë një fazë kohore përcaktuese e zhvillimit të vendit, ku spastrimi i organeve të drejtësisë, duhet të shoqërohet me një ofensivë frontale të kësaj shumice qeverisëse ndaj korrupsionit në çdo nivel të administratës,” tha Rama e meqë për arsye propagandistike nuk e kishte kreun e SPAK ndonëse vazhdon ti qëndroj besnik Partisë, ai shtoi:

“Nuk do të presim SPAK, do të jemi kërkues, hulumtues, grumbullues faktesh e provash, duke i veshur një armaturë edhe me ligj të veçantë platformës së bashkëqeverisjes, si dhe duke e mbyllur në një kohë të shpejtë rrethin e shërbimeve digjitale për publikun. Ne do të nxjerrim së shpejti elektronikisht, në kohë reale, të gjitha pikat ku ngecin, bllokohen, pengohen shërbimet e shtetit. Në këtë drejtim do të jetë me rëndësi të veçantë angazhimi i deputetëve me komunitetet e tyre, si dhe përfshirja më e madhe e komunitetit dhe i vet partisë.”

Kryeministri Edi Rama i shtrinë dorën e bashkëpunimit Partisë Demokratike edhe pse e njehë si parti copë-copë. Sot ai bëri dhe një paralajmërim para nisjes së parlamentit të ri për të gjithë ata që i vërsulen opozitës, bien pre e provokimeve, nxisin konflikt apo japin shembull të keq në Parlament apo Komisione. Ata, tha ky nixtës i konfliktit që mbijetoi në politik vetëm përmes përplasjeve politike, do të jenë shqetësim për Kryeministrin dhe PS.

‘’Mandati i tretë s’duhet tu ngjajë dy të parëve, as në sallën e kuvendit, opozita mund të bëjë ç’të dojë, ne do bëjmë çfarë duhet. Të shtyjmë përpara reformat e ligjet që nevojiten në funksion të qytetarëve. Dora e bashkëpunimiet pa kushte me PD, pavarësisht nga sjellja, retorika apo veprimet e rivalëve. Konflikti verbal nuk duhet të jetë më kryefjala e jetës politike e parlamentare.

Me doemos të ndryshojmë në këtë drejtim, sado ata ti bien fyellit në vrimën që u është bërë gropa. Kanë rënë 5 herë me këmbët e tyre në atë gropë. Shumë e lehtë të thuash, shumë e veshtirë të bësh. Kush do të kalojë cakun etik në adresën e rivalëve tanë, kush jep shembull të keq në kuvend apo komision duke rënë pre e provokimeve, kush merret me politikë me konflikt në teatrin e ditës. Dhe nuk do të angazhohet me temat e çështjet që i interesojnë njerëzve apo Shqipërisë, do të jetë një shqetësim jo për opozitën, por për grupin dhe mua,’’ tha Edi Rama i cili ka gjetur formulën e pagëzimit për të bashkëpunuar me Partinë Demokratike por jo dhe Kosovën.

“Duhet një qasje dhe cilësi e re në marrëdhëniet me Kuvendin e Kosovës, duhet të jemi shumë më të pranishëm në Prishtinë për të diskutuar atje për të ndarë opinione në interes të dy shteteve dhe do i ftojmë shumë më tepër ata. Me qeverinë e Kosovës gjërat nuk shkojnë vaj dhe mosdakordësia për “Ballkanin e Hapur” ka marrë një peshë të pamerituar në këtë mes, por ne do të punojmë me përkushtim që me qeverinë e Kosovës të kemi marrëdhënie sa më vëllazërore duke u përkushtuar në ato punë dhe drejtime që na bashkojnë dhe duke trajtuar me durim mosdakordësinë për “Ballkanin e Hapur”, tha Rama duke vazhduar të promovoj projektin serbomadh:

“Ballkani i Hapur është një zgjedhje e qartë, e drejtë dhe kuptimplotë për të ardhmen e vendit dhe rajonit. Sa më shumë të ndërveprojmë, a më shumë të përfitojmë në një hapsirë të madhe në të gjitha nivelet aq më shumë do të forcohemi. Do të punojmë shumë fort dhe në çdo sektor për t’ju dhënë mundësi të gjithë aktorëve të ekonomisë sonë që të kenë hapsira shumë të mëdha dhe jam i bindur që do kemi rezultate që do flasin se pse ‘Ballkani i Hapur’ na bën më të forte”- tha kryeministri Rama.

Në gjithë këtë spektakël shumë duroi pa e plasur një marrëzi të përmasave globale, dhe shpërtheu. Pa filluar mandatin e tretë, Kryeminisri Edi Rama filloi të flas për zgjedhjet e ardhshme të vitit 2025.

“Tani nis njëkohësisht në 3 hapësira, kuvend, qeveri, parti, puna e madhe për dy fitore të tjera, shumë të rëndësishme në mbështetje të Shipëria 2030. Zgjedhjet e 2023 dhe 2025. Çfarë do të bëjmë sot e përditë, do të korrim kur populli të ndajë të njomat nga të thatat. Fitorja e fundit më e vështira sipas meje, ashtu dhe mandati i tretë do të jetë më i vështiri në arritjen e rikonfirmimit të PS si forcë qeverisëse për 4 vjet nga sot.”

Në fund të fjalës së tij në këtë spektakël të bezdisshëm Kryeministri bëri një falenderim të veçantë për kreun e Grupit Parlamentar Taulant Balla dhe ministren për Marrëdhënien me Parlamentin, Elisa Spiropali, duke i konfirmuar sërish në detyrat e tyre në mandatin e tretë.

“Sot është dita për të falenderuar të gjithë deputetet dhe deputetët, anëtarët e kryesisë së Grupit Parlamentar, drejtuesin Taulant Balla dhe ministren për Marrëdhëniet me Parlamentin Elisa Spiropalin. Taulanti ka drejtuar grupin me këmbëngulje të spikatur dhe Elisa ka qenë e përkushtuar duke përfaqësuar qeverinë me aftësi në debate parlamentare. Të dy kanë konfirmimin e tyre në detyrë në mandatin e tretë për ta çuar në një nivel tjetër performancën e PS-së në qeverisje.”