Conchita!

Conchita e thirrin ata që pinë me të kafe në pubin në të djathtë të, siç shprehet ky grup i demokratëve të flaktë, Shqupit; Po kështu e thërrasin edhe ata që rrufisin kafenë përballë selisë së PD dhe thurrin intriga për Lulzim Bashën dhe njihen si “Grupi i Podhos” ndonëse nuk e kanë Genc Pollon të rregullt në shoqëri, e tashmë ju mungon edhe Belind Këlliçi i cili bëri autokritikë.

Normalisht që nuk është fjala për Thomas Newirth i njohur si Conchita Wurst, i cili fitoi Eurovisionin në vitin 2014 dhe ngriti shumë polemika, por për Sekretarin e Përgjithshëm të PD, Gazment Bardhi për të cilin u ngritën shumë polemika dhe akuza kur u kandidua, dhe rikandidua nga Kryetari Lulzim Basha, e tashmë është dhe i votuar! Nuk dihen arsyet e sakta pse ky pseudonim, për orientimin e tij seksual bashkëpunëtorët thonë se nuk është deklaruar, akuzat nga partia rivale nuk ja flen të komentohen se ajo vetë është parti e conchitave ndërsa ndonjë çrregullim edhe e ka njeriu !

Sipas statutit të Partisë Demokratike, orientimi seksual nuk e pengon Conchitën të jetë Sekretar i Përgjithshëm ndonëse PD është parti e djathtë, por kompetencat që ka në bazë të Nenit 47 dhe sjelljeve të tij në këtë post, si në rastin kur fiton ashtu dhe kur humb, japin indicie për një alter ego që mund të ketë ky njeri, pse jo dhe Conchitën, siç e ka Thomas Newirth, dhe vazhdon e qëndron në postin që ka në përpjekje për ta zbatuar Neni 47 të statutit të Partisë Demokratike që nuk e bëri dot deri më sot. Pra:

1. Sekretari i Përgjithshëm është përgjegjës për organizimin e partisë, si dhe për funksionimin e përditshëm të saj. Ai organizon dhe ndjek zbatimin e akteve të nxjerra nga organet qendrore të partisë në degët e PDSH-së.

2. Sekretari i Përgjithshëm në ushtrimin e kompetencave të tij ndihmohet nga Sekretarët Funksionalë, që emërohen nga Këshilli Kombëtar dhe mbulojnë fushat e veprimtarisë që përcaktohen me udhëzim të Kryetarit të PDSH-së.

Conchita humbës-fitues

Conchita kur fitoi në Eurovision, Kryepeshkopi i Serbisë Irinej tha se për shkak të kësaj fitore u shkaktuan përmbytje të shumta: Zoti po na dënon!

Conchita i PD u rizgjodh Sekretar i Përgjithshëm dhe sikur edhe të ndodhin përmbytje, gjë që nuk dihet, ai nuk mund të fajësohet ama për tensionet në Elbasan gjatë fushatës zgjedhore, menaxhimin e keq të zgjedhjeve në këtë qark, skandalin në Komisionin e Vlerësimit me Halim Kosovën, janë arsye të mjaftueshme që ai të jep dorëheqje dhe jo të bëhet qesharak me dy bodyguard duke prodhuar shumë insinuata!

Për konfliktin që u shkaktua nga banda e rilindjes në Ditën e Verës, nuk ka se si të fajësohet askush nga Partia Demokratike, por në ditën e kobshme kur ndodhi vrasja dhe u plagosën katër persona vetëm 4 ditë para zgjedhjeve, Partia Demokratike kishte një drejtues politik për Qarkun e Elbasanit dhe ai ishte, Gazment Bardhi. Pse ishte drejtues nuk u mor vesh, a vriten njerëz për karta identiteti as kjo nuk u kuptua ashtu si dhe vlerësimi si qark i cili arriti objektivat dhe pse nuk dha dorëheqje këtë e shpjegon vetëm alter ego dhe Shkenca mbi të ngjashmit e Conchitës.

Fyerje më të madhe se sa në rastin e Halim Kosovës në Komisionin e Vlerësimit, Sekretarit të Përgjithshëm të PD, Gazment Bardhi nuk mund ti bëhet por ja që ndodhi ndonëse Statuti i PD, ose më saktë Neni 51e sqaron shumë mirë se cilat janë kompetencat e Komisionit Vlerësimit të Kandidatëve:

1. Komisioni i Vlerësimit të Kandidatëve, është strukturë ndihmëse dhe ka në përbërje 5 anëtarë. Anëtarët e Komisionit të Vlerësimit të Kandidatëve, me propozim të Kryetarit të PDSH-së, emërohen nga Kryesia e PDSH-së dhe miratohen nga Këshilli Kombëtar.

2. Komisioni i Vlerësimit të Kandidatëve shqyrton kandidaturat e propozuara nga strukturat lokale të Partisë dhe atyre të vetëpropozuara për zgjedhjet në Kuvendin e Shqipërisë.

3. Komisioni i Vlerësimit të Kandidatëve i raporton Kryetarit të Partisë dhe Kryesisë së PDSH-së mbi përmbushjen nga kandidatët të kritereve të parashikuara formale, atyre të pastërtisë së figurës, si dhe të elementëve të tjerë të nevojshëm për ecurinë në karrierë sipas këtij Statuti.

4. Kriteret që duhet të plotësojnë kandidatët miratohen me akte nënstatutore dhe lidhen kryesisht, por pa u kufizuar, me arsimimin, integritetin, ligjshmërinë e pasurisë, të shkuarën gjatë regjimit komunist, mospasjen e rekordeve kriminale, si dhe standardet dhe rregullat që garantojnë integritetin dhe etikën.

5. Çdo kandidat është i detyruar që të plotësojë një vetëdeklarim mbi të dhënat e tij, si dhe të paraqesë çdo dokument të kërkuar nga Komisioni i Vlerësimit të Kandidatëve, që provon përmbushjen e kritereve dhe standardeve të përcaktuara.

Pra, askund nuk thuhet se Sekretari i Përgjithshëm bënë korrierin ose “DHL-n e Kryetarit të PD”; Aq më pak që Sekretari i Përgjithshëm informon këtë Komision nëse dikush jep dorëheqje ose këtë dorëheqje ia ka dorëzuar Kryetarit të PD, gjë e cila ndodhi me Halim Kosovën dhe këtë e sqaroi njëri prej anëtarëve, Genc Ruli. E Gazment Bardhi nuk përgënjeshtroi njeri deri më sot; Dhe, jo vetëm kaq! Nuk dha as dorëheqje, sjellje të cilën po ashtu e sqaron shkenca në detaje.  

Dhe në fund, dy bodyguard që kujdesen për sigurinë! Përgjigjen në këtë kërkesë si për sigurinë e tij ashtu si dhe rastet e mungesës së dorëheqjes, e shpjegon shumë mirë shkenca duke filluar nga “Alter ego”!

“Alter ego” për herë të parë është përdor nga filozofi i njohur romak Ciceroni i cili në veprën “Laelius de Amicitata“ shkruante se miku i vërtetë pranë tjetrit është vetja. Ndërsa filozofi Seneka e ka riformuluar përkufizimin  e Ciceronit, dhe alter ego filloi të përdoret për përshkrimin e personit tjetër ose identitetin e një personi.

Alter ego vjen nga fjala latine dhe ka kuptimin, tjetri Unë. Edhe pse në psikologji dhe komunikimin e përditshëm alter ego kryesisht përdoret që të përcaktoj identitetin tjetër të të njëjtit person, kjo përdoret edhe në tjetër kuptim.

Në shkencën juridike “alter ego” quhet personi i cili ka autorizim nga personi tjetër që ta përfaqësoj ose zëvendësoj në punë të caktuara.

Në psikodramë, “alter ego” është personi cili gjatë seancës merr rolin e klientit dhe bëhet alter ego i tij, dhe flet gjithçka që mendon që do të thoshte vetë klienti.  

Pse Gazment Bardhi nuk jep dorëheqje shekuj më parë e ka sqaruar Epikteti duke theksuar se “kemi të bëjmë me njeriun e mençur i cili është i gatshëm të pranoj të gjitha rrethanat e jetës duke mos dëshiruar asgjë tjetër.” 

Por meqë bashkëpunëtorët e tij këmbëngulin tek Conchita, shkenca këtë fenomen e trajton ndryshe. Shkenca thotë se personat me orientim homoseksual shpesh kanë ndjenjën e kërcënimit në rrugë dhe vende publike nga frika se orientimi i tyre seksual mund të zbulohet nga ana e individëve homofob dhe që kjo do ta nënshtroj në  keqtrajtimin fizik dhe psikik. Frika se do të bëhen viktima të dhunës i kufizon që të lëvizin lirshëm, si dhe në mënyrën e veshjes.

Ata që rrinë në kafenenë përballë selisë së PD, s’ka pse zgërdhihen duke menduar se ndjenja e sigurisë së kërcënuar mund jetë për shkak të dhunës së nënshtruar nga e kaluara. Edhe mundet, por këtë e thotë shkenca dhe nuk është rasti me Conchitën e PD!

Por bashkëpunëtorët dhe vartësit e tij nuk duhet të çuditen nëse edhe do të përjetojnë ndonjë agresion nga Conchita, atëherë gjërat ndryshojnë nga përqeshja që i bëjnë në kafe kur ai nuk është sepse situata bëhet më serioze se sa vetëm një “alter ego”.

Terapeutja dhe psikologia e njohur sociale, Margarita Zhamkochyan, thotë se këta persona përgjithësisht kanë tendencën që të hedhin poshtë atë që i përgjigjet natyrës dhe rendit shoqëror.

“Ka njerëz, që duke folur për homoseksualizmin tregojnë emocione të tepruara, refuzim, tërbim, neveri. Më së shpeshti kjo do të thotë frikë e thellë, frikë nga humbja e burrërisë. Zakonisht fuqishëm dhe në mënyrë kategorike i përgjigjen njerëzve, me mungesë besimi në burrërinë e tyre. Por, sidoqoftë refuzimi i meshkujve homoseksual, është shenjë dobësie dhe mungesë e tolerancës së shoqërisë,” thotë Zhamkochyan.

Dhe jo vetëm kaq! Mund të ketë sjellje të çuditshme, e sjellja vetëvrasëse e personave me orientim homoseksual është problem serioz social i çdo shoqërie sepse çdo i dhjeti i ri me sjellje homoseksuale mendon për vetëvrasje. Kjo mbështetet edhe nga studimet në botë se rreth 30% e vetëvrasjeve në botë bëhen nga personat me orientim homoseksual./ P. Haas, Mickey Eliason, Vickie M. Mays et Robin M. Mathy, Suicide and Suicide Risk in Lesbian, Gay, Bisexual, and Transgender Populations: Revieë and Recommendations, Journal of Homosexuality, vol. 58, no 1. 1 2011, p. 10–51/ Curtis D. Proctor et Victor K. Groze, Risk Factors for Suicide among Gay, Lesbian, and Bisexual Youths, Social Work, vol. 39, no 5, 1. 9. 1994, p. 504–513/

Sipas piskoanalizës, vetëvrasja është akti i autoagresionit, shprehje e sadizmit “super-ego” i cili i është kthyer vetes së vet. Vetëvrasja është “protestë” e dëshpëruar, akti i revoltës së “egos” kundër superegos tiranike, dhe, njëkohësisht përpjekja e fundit për marrjen e “mbështetjes”. Vetëvrasja, sipas teorisë së Frojdit, është shprehja e fundit e instiktit të vdekjes, përkatësisht impulsit për autodestruksion total.

Në fund, për të qetësuar ata që rrufisin kafen te partia me Conchitën dhe bëjnë indiferentin, ata që flasin poshtë e lartë as pa i marrë erë kafesë, si dhe ata që mendojnë se me homofobi do ta shkelin një post të rëndësishëm partiak, duhet sjellë shembullin e Presidentit të shtetit që ka shkallën më të lartë të homofobisë, Rusisë, Vladimir Putin.

Një prodhues i akulloreve u akuzua se po promovonte homoseksualitetin sepse në pakettm po përdorte ngjyrat e ylberit. Kreu i Unionit të Grave të Rusisë në konferencë me Putinin tha se kjo është propagandë.

“Promovojnë qetë ngjyrat e ylberit duke përdor fjalë fine dhe duke reklamuar akulloren e quajtur Ylberi,” i tha Ish-Deputetja Jekaterina Lakova presidentit rus duke shtuar se kjo për fëmijët rus mund të jetë tërheqëse si dhe flamuri me ngjyrat e ylberit që përdor LGBTI, dhe kërkoj që të mbrohen ato që shumë konservator në Rusi i quajnë vlera tradicionale.

Vladimir Putin, njeriu i cili do të qëndroj edhe dy mandate në këtë post fal reformave kushtetuese që u miratuan, me Kushtetutën ku sot martesa përkufizohet si bashkësi e mashkullit dhe femrës, me qetësi dhe dashuri u përgjigj: “Nëse ka arsye të besojmë se bëhet fjalë për propagandë për vlerat që nuk janë në përputhje me traditën tonë, atëherë… Këtë do ta zgjedhë shoqëria, por jo agresiviteti.”

vijon: Sekretarja e Sindromit të Stockholmit!