Legjislatura e X-të, Dekreti i Presidentit: Seanca e Parlamentit më 10 Shtator!

Seanca e parë e Legjislaturës së re të Parlamentit të Shqipërisë i dalë nga zhedhjet e 25 prill do të mbahet më 10 shtator.

Thirrjen e kësaj seance parlamentare sot e ka dekretuar Presidenti i Republikës, Ilir Meta, për datën 10 Shtator, me fillim në orën 10:00.

Ndryshe, nga zgjedhjet e 25 prillit 2021, PS arriti të fitoj 74 mandate, PD 59 dhe LSI 4 dhe PSD 3.

DEKRETI

REPUBLIKA E SHQIPËRISË
PRESIDENTI

DEKRET

PËR THIRRJEN E MBLEDHJES SË KUVENDIT TË PORSAZGJEDHUR TË REPUBLIKËS SË SHQIPËRISË

Në mbështetje të nenit 65 pika 1, 67 pika 1, dhe 93 të Kushtetutës së Republikës së Shqipërisë, pas zhvillimit të zgjedhjeve të përgjithshme për Kuvendin e Republikës së Shqipërisë të datës 25.04.2021, rezultati përfundimtar i të cilave është shpallur nga Komisioni Qendror i Zgjedhjeve përmes Vendimit nr. 21, datë 13.07.2021, të Komisionit Rregullator, si dhe në kushtet kur Legjislaturës së IX-të të Kuvendit, i përfundon mandati në datën 09.09.2021,

Dekretoj:

Neni 1

Ditën e premte, në datë 10 shtator 2021, ora 10:00, thirret për t`u mbajtur mbledhja e parë e Legjislaturës së X-të të Kuvendit të Republikës së Shqipërisë.

Neni 2

Ky dekret hyn në fuqi menjëherë.

Nr. Dekretit 13207
Tiranë, më 01.09.2021

PRESIDENTI I REPUBLIKËS

ILIR META