Video/ Tragjedi në spitalin mobil Covid të Tetovës

Një shpërthim i fuqishëm në Spitalin mobil Covid në Tetovë ka shkaktuar një tragjedi të vërtetë duke lënë të vdekur si pacientë ashtu dhe pjesë të stafit mjekësor.

Sipas burimeve jozyrtare, thuhet se janë 8-9 viktima, raporton Alsat, i cili ka arritur të siguroj një video ku shihet se si zjarri ka kapluar spitalin mobil të Tetovës.

“Në Tetovë ka ndodhur një fatkeqësi që ka marrë shumë jetë. Për momentin janë konfirmuar 10 të vdekur nga zjarri, por numri mund të rritet,” ka bërë të ditur përmes rrjetit social Twitter, Ministri i Shëndetësisë, Venko Filipç.

Spitali mobil është djegur plotëisht ndërsa zjarri është ende aktiv në një pjesë të objektit.