Pas shkresës së Metës, Ambasadorja e SHBA në SPAK

Pas shkresës së Presidentit të Republikës, Ilir Meta, drejtuar Prokurorisë së Përgjithshme dhe SPAK ku kërkoi informacion mbi emrat e propozuar për ministra nga kryeministri Edi Rama, dhe kreu i Prokurorisë së Posaçme kundër Korrupsionit dhe Krimit të Organizuar , Arben Kraja, e ka konfirmuar se kanë filluar verifikimet, këtë institucion e ka vizituar Ambasadorja e SHBA, Yuri Kim!

Ambasadorja e Shteteve të Bashkuara ka zhvilluar një vizitë 60 minutëshe me drejtuesit e SPAK, takim të cilin thuhet vetëm se janë diskutuar disa çështje me rëndësi.

Mësohet se diplomatja amerikane është takuar dhe me drejtuesen e Byrosë Kombëtare të Hetimit, Aida Hajnaj.

Ndryshe, Presidenti Meta iu drejtua me një shkresë Prokurorisë së Përgjithshme ku kërkoi t’i vihet në dispozicion për çdo kandidat të propozuar, informacion lidhur me procese hetimore apo penale që janë nisur ndaj tyre. Madje në shkresë theksohet, që përgjigjet e kërkuara të kthehen sa më shpejt, në mënyrë që Presidenti të shprehet për emërimet brenda 7 ditëve.

Emrat e ministrave të propozuar nga Kryeministri Edi Rama

– Zv/Kryeministër – Arben Ahmetaj
– Ministre për Europën dhe Punëte Jashtme – Olta Xhacka
– Ministër i Mbrojtjes – Niko Peleshi
– Ministër i Drejtësisë – Ulsi Manja
– Ministër i Punëve tëBrendshme – Bledi Çuçi
– Ministre e Financave dhe Ekonomisë – Delina Ibrahimi
– Ministre e Infrastrukturës dhe Energjisë- Belinda Balluku
– Ministre e Shëndetësisë dhe Mirëqenies Sociale – Ogerta Manastirliu
– Ministre e Arsimit dhe Sportit – Evis Kushi
– Ministre e Bujqësisë dhe Zhvillimit Rural- Frida Krifca
– Ministre e Kulturës Elva Margariti
– Ministre e Mjedisit dhe Turizmit, – Mirela Kumbaro

4 ministra shteti

– Elisa Spiropali për Marrëdhëniet me Parlamentin
– Edona Bilalli ministre shteti për Mbrojtjen e Sipërmarrjes
– Bora Muzhaqi ministre Shteti për Rininë dhe Fëmijët
– Milva Ekonomi, ministre Shteti për Standardet e Shërbimeve