Bashkia Pukë, vaksinimi kundër COVID-19 i detyrueshëm për administratën

Kryetari i Bashkisë Pukë, Gjon Gjonaj ka nxjerrë një vendim ku kërkon që punonjësit e administratës të sjellin kartelën e vaksinimit kundër COVID-19, ose në të kundërt duhet të paraqesin rezultatet e tamponit çdo javë.

“Nga sot administrata shtetërore duhet të paraqesë kartelen e vaksinimit. Ata që nuk vaksinohen duhet të bëjnë tampon çdo javë,” thekson Gjona duke shtuar se do të rikthehet dhe dezinfektimi masive në qytet dhe institucione, për shkak të rritjes së numrit të rasteve gjatë ditëve të fundit.

Kështu, Puka bëhet bashkia e parë në vend që bën të detyrueshëm vaksinimin kundër COVID-19 për punonjësit e administratës.