Programi Qeverisës “Rama 3”, premtime pa kuptim deri te Autostrada Muriqan-Fier!

Në dëshirat e mëdha që janë renditur në Programin Qeverisës të Edi Ramës kanë zënë vend shumë projekte, porte e aeroporte, autostrada dhe hidrocentrale që do të ndërtohen brenda këtyre 4 viteve, e për të kuptuar se sa shumë tallet me shqiptarët Kryeministri me qeverinë e tij të tretë me radhë, mjafton premtimi me Autostradën Muriqan-Fier! Mosnjohja e gjeografisë ose ngatërrimi me Korridorin Blu që u komentua nga disa vëzhues të prezantimit të kërij Programi në seancë plenare të parlamentit nuk qëndron, ndryshe ai do ta premtonte edhe Autostradën Shkodër-Gjakovë!

Kështu në morinë e çudirave të Edi Ramës ai premton:

“Do kemi katër porte turistike, në Sarandë, Vlorë, Durrës e Shëngjin. Dy aeroporte të reja ndërkombëtare, në Vlorë brenda vitit ngrihet kantieri dhe në Sarandë, ku për pak javë mbyllet gara për kantierin. Do të vazhdojë rritja e kapaciteteve të aviacionit civil, me zgjerimin edhe të aeroportit ndërkombëtar “Nënë Tereza”, ku brenda vitit nis investimi për zgjatjen e pistës. Po ashtu, ky do të jetë mandati i kantierit të madh “Korridorit blu”, më i madhi deri më tani. Në harkun e 5 viteve do të kemi të realizuar një autostradë nga Muriqani në Fier, duke kaluar përmes Miltotit, Thumanës, Kasharit dhe Rrogozhinës. Nuk do të presim më, do të fillojmë punën.

Përmbledhurazi, mund të them se në këtë mandat do të vendosim pikat mbi “i” në atë pjesë të akseve të mbetura ende të pazhvilluara, me parametrat e Shqipërisë 2030. Duam që Shqipëria të kthehet në ekspertuese neto të energjisë elektrike dhe në katër vitet e ardhshme do të hedhim hapa konkret. Skavica do të nisë punën. Ky 4-vjecar do të ketë edhe kantierin e HEC-it të Skavicës, që do të shërbejë dhe për t’i dhënë fund përfundimisht përmbytjeve në veri-perëndim të Shqipërisë. Do të ketë dhe kantierin e HEC Vlorë për hyrjen e gazit të lëngshëm në Shqipëri. Pas nisjes së punës për parkun me energji diellore të Karavastasë, do të ngrihet dhe parku me energji diellore në Spitallë. Këto do të rrisin kapacitetet prodhuese të vendit. Po ashtu, po përgatitet futja në përdorim e energjisë së erës,” tha Edi Rama duke mashtruar edhe perimet dhe eksportin e tyre:

“Sot jemi eksportuesit me të mëdhenj të perimeve në Ballkanin Perëndimor dhe zëmë vendin e dytë për eksportimin e frutave. Nuk do të ndalemi këtu. Do t’i çojmë eksportet bujqësore në 1 miliard USD. Kemi një plan konkret, që do fillojë të vihet frontalisht në veprim që në 300 ditët e para të mandatit të ri.”

Me këtë rast ai premtoi edhe rikthimin e shkëlqimit të Universitetit Bujqësor të Tiranës, shkëlqim të ciliti bëri varrin pikërisht partia që ai drejton:

“Dua të veçoj këtu transformimin e mëtejshëm të Universitetit Bujqësor të Tiranës. Do t’i kthejmë këtij universiteti shkëlqimin dhe nuk do të kursehemi për këtë. Po ashtu duam të hapim një kapitull të ri në fushën e gjësë së gjallë. Deri tetë vite më parë gjëja e gjallë therej në rrugën ku kalonte makina dhe gjaku përplasej në xhamat e makinave. Kemi rritje të ndjeshme të konsumit, por kjo është një periudhë rikthimi, pas një periudhe tërheqje dramatike nga pandemia. Ne nuk duam që sidoqoftë ky ritëm të bjerë deri në fund të 4-vjecarit nën dyshemenë e 4% mesatare rritje ekonomike vjetore. Të dhënat janë të qëndrueshme. Nuk na mjafton asnjë nga këto, pa shënuar një rritje të mëtejshme e të qëndrueshme në cilësinë e biznesit,” tha Kryeministri këtë cikël të premtimeve:

“Duhet t’i japim një shtysë të fortë sektorit të prodhimit Made in Albania. Për këtë kemi një garanci sovrane prej 50 milionë eurosh dhe një program special për rritjen e kapitalit njerëzor.”

Risi e Programit Qeverisës të cilën e prezantoi sot Edi Rama është se ka menduar për pagat dhe rritjen e tyre, pavarësisht se rritja deri në masë 40% dihet që nuk do të ndodhë sikur ai të qëndroj jo 4 por 40 vjet Kryeministër.

“Paga minimale është e ulët. Rritja e saj çdo vit, mundësisht deri në 40 mijë lekë të reja, deri në fund të mandatit, është objektiv i fushatës zgjedhore që do ta nisim qysh me projekt-buxhetin e vitit që vjen. Sot ndihem mirë se nuk ka asgjë, që nuk është premtuar në fushatë. Asnjë nga synimet e shpallur në fushatë s’ka ngelur pa mbetur në objektivë. E vërteta është se jo gjithmonë gjerat shkojnë sipas parashikimit, për shumë arsye. Këtu se kam për ata politikanë që premtimet i nxjerrin si pëllumbat e kapeleve të prestigjatorëve. Është jashtë parashikimit të qeverisë, tërmeti, pandemia. Siç ndodhi me aeroportin e Vlorës nuk ndeshëm me ngecje. Është e vërtetë që nuk premtoj diçka që e di që nuk bëhet, sa për të marrë duatroktije,” tha Rama duke shtuar se të gjitha rritjet e pagave të premtuara do të bëhen siç janë premtuar.

“Sot e premtoj se kjo shumicë qeverisëse do të rrisë pagat e edukatorëve, të mësuesve, të mjekëve, infermierëve, me 40%. Pagat e administratës me 30%. Më lejonit të shtojë diçka që se kemi premtuar. Pas një shfaqe kulmore mbrëmë të trupës së teatrit, ku solistët shfaqen një provë prekëse, ku shkëlqyen pa asnjë dallim, paga e solistëve tanë të jashtëzakonshëm është e udhës që të dyfishohet që nga viti i ardhshëm. Do paraqesim për atë trupë një program stimulimi financiar. Është një nga përfaqësitë më europiane dhe dinjitoze që ka kjo republikë.”

Dhe jo vetëm kaq!

“S’kemi premtuar në fushatë asgjë domethënëse, as për pensionistët. Jo se nuk e dimë se ata meritojnë të shpërblehen më shumë se të tjerët. Përtej bonusit special që kemi vendosur në fundvit, por nuk kemi mundur dot dhe s’mundim dot që të hedhim atë hap, pasi gropa e hapur nga skema e vjetër e pensioneve para se të merrnim reformën e pensioneve, akoma nuk është mbyllur në pikën që ne hedhim një hap të guximshëm për rritje domethënëse. Dua të them sot, jo nga foltorja e fushatës, por nga Kuvendi, të gjithë gjyshërve dhe gjysheve se një plan i pavarur nga ecuria e kësaj reforme, është në tryezën tonë. Do të jetë dita më e bukur e jetës time publike dhe politike të marr shpërblim buzëqeshjen e tyre të bekuar për të vënë në zbatim plani për rritjen e pensioneve. Do ta mbajë çdo ditë në mendje marrjen e atij shpërblimi të shenjtë,” tha Kryeministri Edi Rama e për ti bindur të gjithë ata që po dëgjonin, ky komunist i devotshëm dh ei pafe iu lut Zotit:

“Lus zotin që ta bëjmë realitet. Është një angazhim solemn në Kuvend për të bërë realitet këtë premtim të munguar. Kjo është diçka që ja vlen të bëjmë maksimumin.”

Dhe, derisa deputetët e tij komunist u emocionuan nga lutjet e shefit, ai kaloi te tërmeti dhe pandemia:

“Shqipëria ka ende dy fronte të mëdha, të hapur, nga njëra anë fronti i përpjekjes për zhbërjen përfundimtare të pasojave të tërmetit; nga ana tjetër fronti përpjekjes për daljen nga lufta me pandeminë. Plani ynë, siç jemi zotuar, nuk ndryshon asnjë presje, tani që zgjedhjet janë pas krahëve. Viti 2022 duhet të mbyllë tërësinë e të gjitha plagëve të tërmetit, por deri ditën e kapërcimit të pragut të shtëpisë së re, të gjitha familjet që janë në pritje do vijojnë të marrin nga shteti qiranë, përfshirë dhe ato qindra familje që kanë zgjedhur vetë të qëndrojnë në çadër, për shkak të largësisë nga qyteti,” tha Rama për të vazhduar me pandeminë dhe mburrjen më të madhe që e ka për zemër, vaksinimin, edhe pse është në nivelet më të ulëta në Evropë:

“Nuk ndryshon as plani i vaksinimit masiv në vijimësi për gjithë popullin. Askush nuk mund të qeverisë përsosmërisht, pavarësisht dëshirës së madhe. Një nga krenaritë më të mëdha të mandatit tonë të dytë do të mbetet fakti se në luftën me pandeminë, sot ne nuk kemi zili asnjë qeveri apo vend tjetër. Kemi qenë dhe mbetemi në fashën e vendeve me performancën më të mirë. Dje kemi marrë dhe dritën jeshile për lëvizjen e lirë me pasaportën e vaksinimit.

Ky është një mesazh kuptimplotë për të gjithë qytetarët e pavaksinuar ende, që të vaksinohen pa humbur kohë, për të mbrojtur shëndetin, por edhe për të lëvizur lirisht jashtë vendit. Gatishmëria jonë do të jetë maksimale për çdo llogaridhënie, kurdo që opozita do të nxjerrë në pah të meta apo gabime. Duke pasur parasysh ndjeshmërinë e lartë të këtyre dy sfidave, i lutem sot opozitës dhe medias të kërkojnë nga qeveria çdo informacion të mundshëm zyrtar, para qëndrimeve. Lajmet e rreme nëpër foltore, ekrane, dëmin psikologjik e bëjnë njësoj. Zotohem se çdo qëndrim kritik, nga do që të vijë, do të trajtohet me seriozitet nga ne. Qeveria e re do të vendosë në dispozicion të publikut një kanal zyrtar për çdo denoncim apo pretendim të ngritur, që lidhet me interesin publik. Formati i mëparshme me konferenca shtypi, akuza e kundërakuza që vetëm helmojnë publikun, për ne konsiderohet e mbyllur.”

Në vijim të premtimeve të pakutimta, Edi Rama duke iu drejtuar opozitës i bërë thirrje që t’i zgjidhin të gjitha çështjet apo krizat politike e institucionale me komunikim të drejtpërdrejtë dhe jo me ndërmjetësimin e të huajve ndërsa i shtriu dorën e e bashkëpunimit Partisë Demokratike pa asnjë kompromis të çuditshëm.

“Me komunikim të drejtpërdrejtë, duke folur e dëgjuar njëri-tjetrin, mund të merremi vesh për shumëçka. Asnjëherë dhe për asnjë arsye unë dhe kjo shumicë nuk do të pranojmë asnjë lloj ndërmjetësuesi të huaj për të zgjidhur problemet, ngërçet, krizat e brendshme politike apo institucionale. Ato shkaktohen allashqiptarçe nga ne dhe nga ju, jo nga miqtë, ndaj duhet të zgjidhen vetëm nga ne dhe ju, jo duke folur anglisht, por vetëm shqip,” tha Rama duke e bërë të qartë se është i gatshëm të dialogojë me Partinë Demokratike dhe nuk synon asnjë kompromis që nuk e dëshirojnë.

“Në këtë sallë të gjithë pas 2 vjetësh dhe pas një palë zgjedhjesh të fituara qartësisht nga një palë, e kontestuar.
Përsëri një deja vu, e këtyre dekadave që shporesoj mos sjellë në skenë shfaqje ekstreme si ato të mandatit të shkuar. Ky institucion i pazëvnendëseshëm. Ky adresim kaq i rëndësishëm për votëbesimin e qeverisë së re do të ishte krejt i mangët, nëse përpara do të flas për investimet, taksat, nuk do të flisja për elefantin në këtë vend. Duam apo s’duam të rrijmë bashkë, në një çati, për 4 vite. Jo me kë na pëlqen të kemi përkrah, por dhe kë kemi përballë.”

Rritja e mirëqënies nuk varet vetëm nga të ardhurat e shpenzimet, por dhe institucionet e besimi i qytetarëve, tha me një avancim të njohjes së ekonomike shumë më të avancuar se sa ajo e Zv/Kryeministrit që iku, Erion Braçe.

“Në radhë të parë këtu në institucionin më të lartë të përfaqësimit. Nuk jemi të detyruar të merremi vesh për gjithçka, madje mund të mos merremi vesh për agjë. Por progresi nuk varet nga sa shpesh bien dakord qeveria me opozitën, por mënyra si e adresojnë.

Tjetër të polemizosh, tjetër të shahesh e kërdisesh. Tjetër të votosh kundër, tjetër të grisësh fletën e votimit. Kur mos rrënçim dakord, në fund vota vendos. Por s’mund të mos sillemi si njerëz, prindër fëmijësh e fëmijë prindërsish. Që kjo sallë mos zhytet në llucën e vulgaritetit. Por as kush bën më të fortin, nuk del i fituar. Të gjithë nuk kemi shkëlqyer në sytë e qytetarëve.

Shumë skena dhe fjalë për të cilat s’mund të jemë krenarë. Shumë sherr e shamata për të mos dalë asgjëkunid, nga kujtesa. Shumë mundësi të humbura për të bërë më mirë.

Kur dalim që këtu pasi lëmë nam, gjithmonë fajin se kemi ne, por gjithnjë ata, pala tjetër, si kalamajtë e ka kush e ka. S’dua të drejtoj gishtin te pala tjetër, por mbaj fajin tim, për aq sa na takon. Duhet të jetë më shumë se unë dhe ne nga sa na takon,” tha njeriu që me veprimin e tij poliitk në krye të Partisë Socialiste, shkatërroi jetën parlamentare në Shqipëri ndërsa përfundoi pasi u lodhë duke folur:

“Dora jonë është e shtrirë drejt PD, vijë mendimi, jo fjalë për kaluar radhën. Të jemi të qartë, nuk duam lëshim nga ju, jemi gati të dialogojmë për çdo lëshim që ju doni. Nuk synojmë të arrijmë asnjë kompromis që nuk e dëhsironi, jemi gati për çfarë dëshironi për njerëzit e të ardhmes.”