Ministrat e Jashtëm të BE diskutojnë për negociatat/ Ja propozimi gjerman dhe qëndrimin i Holandës…

Ministrat e Jashtëm të BE-së  diskutuan sot mbi qëndrimin që do të mbajë Këshilli Europian në raport me Shqipërinë dhe Maqedoninë përsa i takon hapjes së negociatave.

Sikundër raportohet, disa nga ministrant e Jashtëm, shprehën shqetësimin mbi korrupsionin dhe sundimin e ligjit në këto dy vende.

Komisioni Europian rekomandoi në prill që Shqipëria dhe Maqedonia kanë bërë mjaft progres për të garantuar fillimin e negociatave të anëtarësimit në BE.

Me zgjidhjen e fundit të një debati të gjatë midis Maqedonisë dhe Greqisë për emrin, ku të dy shtetet ranë dakord që t’i referohen ish-republikës jugosllave të Maqedonisë si Republika e Maqedonisë së Veriut, shumica e vendeve të BE janë prirur për të hapur bisedimet për anëtarësim.

Michael Roth, ministri i Jashtëm i Gjermanisë, tha se të dy vendet kanë bërë “ përparim të dukshëm në fushën e zbatimit të ligjit dhe pavarësisë së gjyqësorit”, prandaj Gjermania e mbështet nisjen e procesit.

“Unë mund t’i bëj një apel edhe njëhërë miqve tanë në Holandë dhe Francë, të mbështesin këtë qëndrim”, tha Roth para takimit të ministrave të Jashtëm.

Roth tha se ai ishte optimist se ministrat mund të bien dakord të martën, duke vënë në dukje se Gjermania ka propozuar një kompromis.

“Ne mund të ngremë disa shqetësime sot dhe do ta bëjmë të qartë që veçanërisht Shqipëria duhet të përmbushë disa parakushte për të hapjen e kapitujve për negociatat”, tha ai.

Ministri i Jashtëm holandez, Stef Bloc, pranoi se të dyja vendet kanë bërë “përparim të rëndësishëm”. Por sipas tij, ato nuk janë aty ku duhet.

“Ne dëshirojmë të shikojmë një provë të fortë në luftën kundër korrupsionit dhe sundimin e ligjit”, shtoi ai.