Në “West Point”, Rama: Njehsim i programeve me Akademinë e Forcave të Armatosura

Në kuadër të dialogut me qeverinë amerikane për njehsimin e programeve me Akademinë e Forcave të Armatosura, Kryeministri Edi Rama sot ka vizituar Akademinë Ushtarake “West Point” në New York.

“Në Akademinë Ushtarake “West Point”, në kuadër të dialogut të nisur me qeverinë amerikane, për binjakëzimin dhe njehsimin e programeve me Akademinë e Forcave të Armatosura Shqiptare,” shprehet Edi Rama përmes rrjetit social Facebook ndërsa po qëndron në New York ku do të marrë pjesë në Mbledhjen e Asamblesë së Përgjithshme të Kombeve të Bashkuara.

Ndryshe, nisja e këtij dialogu me qeverinë amerikane vjen pas paralajmërimit të Kryeministrit Edi Rama për transformimin e Akademisë së Mbrojtjes në një akademi ushtarake ekselence në partneritet të drejtpërdrejtë me aleatët.