Komisionet online, Balla: Ramë dakord me opozitën, Bardhi: E papranueshme!

Konferenca e Kryetarëve pak para nisjes së seancës plenare dha një mesazh të qartë nga mazhoranca e cila mburret me prezencën e opozitës në parlament por jo se përfill mendimet e saj. Kështu ndodhi edhe sot me vendimin për Komisionet online, socialistët sollën propozimin për Komisionet, opozita e kundërshtoi me arsyetimin se dëmton parlamentarizmin dhe se nuk është gjendje e jashtëzakonshme, por pak rëndësi kishte mendimi i Partisë Demokratike për Taulant Ballën me shokët e tij të cilët dëgjuan mendimet e kolegëve të tyre demokratë, votuan propozimin socialistë dhe debati vazhdoi edhe në seancë plenare për ta lënë në fuqi mendimin e Edi Ramës: Komisionet parlamentare do të zhvillohet online!

Dhe jo vetëm kaq! Me përfundimin e Konferencës së Kryetarëve, Taulant Balla dhe se kishin ra dakord por PD sqaroi se ka kundërshtuar mbajtjen e komisioneve online me arsyetimin se kjo dëmton transparencën.

Në Konferencën e Kryetarëve dhe në seancën plenare, Kryetari i Grupit Parlamentar të PD, Alfred Rushaj sqaroi se vendimi është kundër Kushtetutës dhe Rregullores së Parlamentit dhe se vendimi duhet të shfuqizohet, pasi synon të asgjesojë parlamentarizmin.

“Rregullorja përcakton rastet kur komisionet mund të mblidhen në distancë, çka e përjashton situatën aktuale,” tha Kryetari i grupit parlamentar të PD, duke , iu referua nenit a/5 se kufizimet vendosen në rast të masave të jashtëzakonshme për shkak të gjendjes së luftës, gjendjes së jashtëzakonshme ose gjendjes së luftës.

Nënkryetarët e Partisë Demokratike, Enkelejd Alibeaj dhe Joroda Tabaku, thanë se vendimi nuk i shërben interesit publik, diskutimet dhe vendimet që merren në të shumtën e rasteve nuk dëgjohen, pasi deputetët janë në makina, lokale, por jo në krye të detyrës, kështu PD propozoi që deputetët të vaksinohen dhe gjendja t’i kthehet normalitetit, si dhe komisionet të zhvillohen në orare të ndryshme për të patur më shumë hapësirë.

Por kjo nuk e pengoi Kryetarin e Grupit Parlamentar të PS-së, Taulant Balla, që të vazhdoi me politikën e tij.

“Unë besoj që do njiheni me procesverbalin e konferencës së kryetarëve ku është qartësisht shpjeguar vijueshmëria e punës në komisione. Natyrshëm do ketë komisione që do zhvillojnë punën online dhe po aq natyrshëm do ketë mbledhje të komisioneve që do shfrytëzojnë dy sallat e vetme për mbledhje komisioni me distanca dhe si e tillë mendoj që opozita të gjejë arsye të tjera për t’u shqetësuar, por jo këtë arsye. Nëse do ketë një seancë të rëndësishme do jetë fizikisht. Por në një punë normale, sikurse zhvillohet në PE, në parlamentin e Francës apo Bundestag, të njëjtën gjë po bën dhe Kuvendi i Shqipërisë,” tha deputeti socialist që jo më kot quhet Taulant Balla i cili foli dhe për darkodësitë e mëdha mazhorancë-opozitë:

“Në konferencën e kryetarëve ramë dakord për vaksinimin e detyrueshëm të të gjithë deputetëve. Afati i dy dozave është përcaktim që e bëjnë ekspertët, varet dhe nga lloji i vaksinës. Ky është mesazhi më i mirë që bën kuvendi sot. I bëj thirrje qytetarëve të vaksinohen. E rëndësishme t’iu drejtohemi studentëve kur po i afrohemi vitit të ri universitar, çdo student duhet të vaksinohet dhe këtë gjë duhet ta bëjë i pari Kuvendi. Mua më vjen keq, nuk e di ku e kanë dëgjuar që Shqipëria nuk është në kushtet e një gjendje të jashtëzakonshme, vendimi i qeverisë është vijues, ne vazhdojmë të jemi të kujdesshëm. Kemi një numër të lartë rastesh në ditë, kemi humbje jete. Në gusht kishim një situatë dhe në shtator-tetor kemi këtë situatë. Të mos fryhet tullumbaci kot, mbledhjet e komisioneve do vazhdojnë dhe në mënyrë tradicionale dhe online. Për këtë kemi rënë dakord në konferencën e kryetarëve. Kuvendi ka rimiratuar disa rregulla të vendosura në legjislaturën e kaluar.”

Dhe, me përfundimin e rolit të Rakacollit, Taulanti iu kthye atij të Kryetarit të Grupit Parlamentar të PS:

“Nuk do të thotë që për mbledhje të caktuara, kemi rënë dakord unë dhe kreu i grupit parlamentar të PD t’i diskutojmë herë pas here. Rregullroja thotë që kryesitë e komisioneve vendosin për rregullimin. Këtu nuk ka asnjë lloj përpjekje për të vrarë parlamentarizmin, për të mos i dhënë hapësirë opozitës. Unë mendoj që le të vijojë puna normalisht, në cilindo rast që opozita do kërkojë që mbledhjet të jenë në mënyrë tradicionale vendimi i konferencës së kryetarëve është i qartë. Kuvendi i Shqipërisë duhet të japë mesazhin e parë të kujdesit.”

Por ndryshe nga Taulant Balla, Sekretari i Përgjithshëm i PD, Gazment Bardhi, se vendimi për Komisionet online është i papranueshëm dhe se tre grupet parlamentare të opozitës do të marrin vendimin deri nesër.

“Në emër të tre grupeve parlamentare të opozitës dua të informoj opinionin publik mbi një akt të paprecedentë të pakicës që ka uzurpuar parlamentin në Konferencën e Kryetarëve për t’i mbyllur gojën opozitës. Në përputhje me rregulloren e Kuvendit, vetëm në raste të jashtëzakonshme dhe të masave të jashtëzakonshme mund të zhvillohen mbledhje online të komisioneve.

Mbledhjet e Komisioneve Parlamentare janë shumë herë më të rëndësishme sesa seancat plenare, nëse Parlamenti funksionon në një shtet demokratik. Gjatë gjithë këtyre 8 viteve ne kemi parë një Parlament që është noter i akteve korruptive të qeverisë.

Prandaj dhe vendimmarrja për t’i mbyllur gojën opozitës, për t’iu fshehur opinionit publik, mes seancave qesharake online të komisioneve ka synimin e vetëm për t’i ikur përgjegjësisë mbi debatin, diskutimin mbi të gjitha aktet korruptive që qeveria sjell në Parlament,” tha Gazment Bardhi duke u hsprehur i prerë:

“Pa diskutim që kjo është e papranueshme për opozitën!”

Bardhi me këtë rast mori si shembull seancën e sotme ku ishin mbledhur 140 deputetë në sallën e seancave plenare, e para dy ditësh në sallë njësoj si ato të komisioneve parlamentare është mbledhur Këshilli i Ministrave, fizikisht në mbledhje:

“Atëherë pse do të duhet që komisionet parlamentare të mos mblidhen sipas kushteve të përcaktuara nga Kuvendi i Shqipërisë, fizikisht dhe jo në mbledhje online? Për t’iu përgjigjur pyetjeve tuaja. Unë kam konsultuar të tre kryetarët e grupeve parlamentare të opozitës. Gjatë ditës së sotme ose gjatë ditës së nesërme ne do të zhvillojmë një mbledhje të përbashkët të tre grupeve parlamentare,” tha Sekretari i Përgjithshëm i PD, Gazment Bardhi, duke përfunduar:

“Vendimi është i papranueshëm, është mungesë e plotë transparence dhe ka si qëllim t’i fshihet syve të opinionit publik, e përsëris, mbi akte korruptive të qeverisë për ta trajtuar ashtu siç kanë bërë këto 8 vite parlamentin si noter të këtyre akteve korruptive.”

Pyetje: Z. Bardhi do të bashkëpunoni me mazhorancën sa i përket ndryshimeve kushtetuese dhe reformës territoriale? Dje ka patur një ftesë nga z. Gjiknuri për opozitën.

Gazment Bardhi: Së pari duhet të fokusohemi tek kjo ngjarje e rëndë që ka ndodhur sot në Konferencën e Kryetareve. Opozitës po tentohet t’i mbyllet goja në shkelje të rregullores dhe Kushtetutës e në këtë prizëm unë nuk besoj se ky është një parlament që funksionon. Secili prej nesh mund të kryejë reforma që i shërbejnë qytetarëve dhe interesit të qytetarëve.

Në një parlament ku në shkelje flagrante të rregullores së Kuvendit synohet t’i iket syve të publikut, t’i shmangesh transparencës dhe t’i mbyllësh gojën opozitës, pa diskutim që nuk mund të flitet për bashkëpunim, qoftë ky edhe institucional.

Pyetje: Z.Bardhi në dijeninë tuaj sa është numri i deputetëve që nuk janë vaksinuar?

Gazment Bardhi: Unë nuk kam dijeni për këtë. Konferenca e Kryetarëve ka marrë një vendim për t’i udhëzuar deputetët që të vaksinohen.

Pa dyshim që kolegët e mi në Konferencën e Kryetarëve e kanë pranuar këtë sugjerim dhe këtë këshillë dhe jemi të gatshëm për t’iu nënshtruar të gjitha rregullave që mbrojnë jetën dhe shëndetin. Por, masa që nuk përputhen me njëra-tjetrën, arbitrare, me forcën e kartonit, është e papranueshme në një vend demokratik.

Më thoni kush është dallimi mes mbledhjes së Këshillit të Ministrave ku marrin pjesë 20 vetë në një sallë dhe mbledhjes së 20 deputetëve në një Komision Parlamentar. Nuk ka asnjë dallim. Është e njëjta procedurë dhe duhet të funksionojë i njëjti rregull.

E njëjta Ministri Shëndetësisë e Edi Ramës i jep leje për të bërë mbledhje me dyer të mbyllura me të njëjtat kushte, ndërsa e njëjta Ministri Shëndetësie na thotë mos u mblidhni në Komisione Parlamentare, mos diskutoni në interes të qytetarëve shqiptarë, mos demaskoni dhe bëni opozitë ndaj akteve korruptive të qeverisë sepse kështu duam ne në kundërshtim me Kushtetutën dhe rregulloren.

Kjo është e papranueshme.

Pyetje: Ju nuk keni arritur gjë me bojkot më herët, në rast se bojkotoni edhe një herë Komisionet Parlamentare, çfarë fitoni? Është hedhur si ide bojkoti.

Gazment Bardhi: Unë nuk fola për bojkot, sikur nuk e di se kush e ka hedhur si ide.

Pyetje: Z. Shehu e përmendi në Parlament.

Gazment Bardhi: Z. Shehu shprehu mendimin e tij, ajo që unë deklarova me shumë përgjegjësi është se jam konsultuar me të tre kryetarët e grupeve parlamentare të opozitës. Brenda ditës së sotme, maksimumi, brenda ditës së nesërme, do të mblidhen të tre grupet në një mbledhje të përbashkët për të marrë një vendim mbi këtë akt të paprecedentë të kësaj shumice korruptive që kemi në sallën e Parlamentit.

Në fund, sot Konferenca e Kryetarëve bëri dhe një punë. U miratuan emrat e Komisioneve të përhershme Parlamentare, pasi u gjetë zgjidhja edhe për deputetët e LSI-së ndonëse nuk kanë formuar grup parlamentar.

Komisioni për Çështjet Ligjore Administratën Publike dhe të Drejtat e Njeriut

Grupi i PS: Fatmir Xhafaj, Ermonela Felaj, Damian Gjiknuri, Jurgis Çyrbja, Saimir Hasalla, Toni Gogu, Xhemal Qefaliaj, Gerta Duraku, Denis Deliu, Eduart Ndreca, Gledis Çeliku, jashtë grupeve parlamentare.

Grupi i PD: Gazment Bardhi, Enkelejd Alibeaj, Dhurata Typi Çupi, Saimir Korreshi, Greta Bardeli, Dashnor Sulaj, Elda Hoti, Bledion Nallbati, Fatmir Mediu,

Komisioni për Integrimin Evropian

Grupi i PS: Taulant Balla, Blendi Klosi, Bujar Çela, Ornaldo Rakipi, Etien Xhafaj, Mimi Kodheli, Lavdrim Krashi, Erisa Xhixho jashtë grupeve parlamrentare.

Grupi i PD: Edi Paloka, Luçiano Boçi, Flutura Açka, Kreshnik Çollaku, Belind Kellici, Tomor Alizoti.

Komisioni për Politikën e Jashtme

Grupi i PS: Hatixhe Konomi, Lavdrim Krashi, Arqi Bllako, Benet Beci, Blendi Klosi, Petro Koci, Besjan Ajazi, Klodiana Spahiu.

Grupi i PD: Grida Duma, Kreshnik Çollaku, Shpërtim Idrizi, Tritan Shehu, Belind Këlliçi, Vangjel Dule, Greta Bardeli.

Komisioni për Ekonominë dhe Financat 

Grupi i PS: Erjon Braçe, Anila Denaj, Antoneta Dhima, Pranvera Resulaj, Vullnet Sinaj, Benet Beci, Shpresa Marnoj, Alban Xhelili, Enslevera Zake.

Grupi i PD: Edmond Spaho, Jorida Tabaku, Alfred Rushaj, Bujar Leskaj, Arbi Agalliu, Agron Shehaj, Emilia Koliqi, Dashamir Shehi.

Komisioni për Sigurinë Kombëtare 

Grupi i PS: Paulin Sterkaj, Antoneta Dhima, Bardhyl Kollçaku, Luan Duzha, Vullnet Sinaj, Denis Deliu, Pranvera Resulaj, Toni Gogu, Ilirjan Pendavinji, Agron Çela, jashtë grupeve parlamentare.

Grupi i PD: Enkelejd Alibeaj, Ervin Salianji, Lindita Metaliaj, Isuf Çela, Ferdianand Xhaferraj, Luan Baçi, Kasëm Mahmutaj.

Komisioni për Veprimtarinë Prodhuese, Tregtinë dhe Mjedisin

Grupi i PS: Fadil Nasufi, Tatiana Pirro, Luljeta Bozo, Beqiraj, Anduel Tahiraj, Ilir Ndraxhi, Rrahman Rraja, Baftjar Zeqaj, Alqi Bllako.

Grupi i PD: Flamur Hoxha, Fation Veizaj, Lefter Gështenja, Zef Hila, Ramadan Lika, Xhelal Mziu, Agron Duka, Nusret Avdullaj.