Numrin më të lartë të azilkërkuesve në BE, PD: Shqipëria e Ramës, shkretohet!

Pas publikimit të numrit të azilkërkuesve në Europë ku shShqipëria rendit e para në Europë, sipas Eurostat, ka reaguar Partia Demokratike përmes Nënkryetares Jorida Tabaku, duke theksuar se përveç se rrezikon një nga pikat e vendosura nga BE për çeljen e negociatave, Shqipëria e Kryeministrit Edi Rama rezulton se është një Shqipëri që po shkretohet.

“Sot numërohen mbi 200 mijë shqiptarë që kanë ikur nga vendi në 8 vjet. Nuk shohin të ardhmen këtu, nuk besojnë më tek një qeveri që punon për veten dhe varfëron shqiptarët,” thekson Jorida Tabaku në reagimin e saj përmes rrjetit social Facebook duke ilustruar edhe me shifra ndër vite ndërsa shton se ka ardhur koha të ndryshojmë realitetin:

“Ka ardhur koha që politika të punojë për qytetarët! Ka ardhur koha që integrimi të jetë kryefjala e përpjekjes sonë për një vend më të mirë dhe pranë familjes Europiane.”

Reagimi:

Shqipëria e Ramës është një Shqipëri që shkretohet.

– Kemi numrin më të lartë të azilkërkuesve në Europë duke rrezikuar edhe një nga pikat e vendosura nga BE për çeljen e negociatave.

– Kriteret e vendosura janë një letër lakmuesi për të kuptuar se sa seriozisht e ka qeveria jonë procesin e integrimit.

– Por sot numërohen mbi 200 mijë shqiptarë që kanë ikur nga vendi në 8 vjet. Nuk shohin të ardhmen këtu, nuk besojnë më tek një qeveri që punon për veten dhe varfëron shqiptarët.

– Ka ardhur koha të ndryshojmë realitetin! Ka ardhur koha që politika të punojë për qytetarët! Ka ardhur koha që integrimi të jetë kryefjala e përpjekjes sonë për një vend më të mirë dhe pranë familjes Europiane.