DASH në Kongres, Kim: Raportohen personat për korrupsion! Sali Berisha në listë…
Departamenti Amerikan i Shtetit, DASH, raporton listën e personave te shpallur NON GRATA gjatë viti 2021, pranë Kongresit të SHBA, listë e cila sot është publikuar nga Ambasadorja e SHBA në Tiranë, Yuri Kim e ku ka zënë vend dhe Ish-Presidenti Sali Berisha me anëtarët e tij të familjes.
“Departamenti i Shtetit i raporton Kongresit në lidhje me personat e caktuar për korrupsion të rëndësishëm,” thekson Ambasadorja Yuri Kim shoqëruar me listën e emrave nga e gjithë bota të raportuar në Kongres që janë shpallur NON GRATA dhe akuzohen për korrupsion dhe shkelje të rënda të të drejtave të njeriut; Listë ku figurojnë dhe emrat e Ish-Presidentit Sali Berisha, bashkëshortes Liri Berisha, të bijës Argita Berisha dhe djalit Shkëlzen Berisha.
Ndryshe, më 19 Maj, Sekretari Amerikan i Shtetit, Antony Blinken, bëri me dije se Ish-Presidenti Sali Berisha dhe familja e tij janë futur në listën e zezë nga SHBAme arsyetimin e aktet të korruptuara të Sali Berisha kanë minuar demokracinë në Shqipëri. Në njoftimin e posaçëm të bërë në faqen zyrtare të DASH thuhet se ky vendim ndaj Berishës vjen pasi në funksionin e tij si kryeministër i Shqipërisë, Berisha është përfshirë në akte korruptive si keqpërdorimi fondeve publike dhe ndërhyrje me proceset publike duke përdorur fuqinë për përfitime personale, dhe pasurimin e aleatëve politik përfshi familjen në kurriz të konfidencës publike të qeverisë shqiptare dhe institucioneve.
Sali Berisha nga ana tjetër ka ngritur një padi ndaj Antoni Blinken në një gjykatë në Francë, ndërsa shton se vendimi është pa asnjë bazë konkrete.
