Ndodh edhe kjo! Një operator i energjisë elektrike refuzon ti rrjep konsumatorët

Për shkak të “çmendjes së çmimeve” të energjisë elektrike ra dhe operatori i parë, jo në Shqipëri por në një vend si Austria, ku tregu është i liberalizuar dhe pjesë e tij janë njerëzit normal. E-Werk Ebner është tërhequr nga puna dhe ndërpret furnizimin më 30 nëntor.

Operatori i energjisë elektrike në krahinën austriake Steiermark, E-Werk Ebner, vendosi të pushoj me punën e biznesit të tijpër shkak të “çmendjes së çmimeve” në treg.

Kompania ka informuar me shkrim rreth 4.500 konsumatorët e tij që të kërkojnë operatorin e ri.

Konsumatorëve u është thënë se marrëveshja e arritur do të merr fund më 30 nëntor, ditë kur furnizimi me energji elektrike do tu ndërpritet.

E-Werk Ebner në Neudorf në Mur tërhiqet nga puna e tij e furnizimit me energji elektrike, për siç theksohet, rritjes së madhe të çmimit të energjisë elektrike në tregun botëror.

“Për fat të keq nuk është as në horizont fundi i kësaj çmendurie të rritjes së çmimit. Vetëm pse nuk duam që këtë rritje të çmendur t’ia hedhim në kurriz konsumatorëve ne ndërprejmë punën tonë,” thuhet në mesazhin e kompanisë.

Ndryshe, në Austri është liberalizuar tregu i energjisë elektrike. Ka shumë operatorë të vegjël, njëri prej të cilëve nuk dëshiron të përfitoj nga situata në tregun botëror për të rrjepur konsumatorët.