“Katar 2022”, Suedi-Kosovë 3:0

Suedia ka fituar në përballje me Kosovën me rezultat bindës 3:0, në sfidën e zhvilluar në Stokholm në kuadër të kualifikueseve për Kupën e Botës “Katar 2022”.

Ekipi suedez ishte ekip dominues në terren, duke e kontrolluar lojën më mirë në terrën dhe duke e çuar tri herë topin në rrjetë. Përmes  Forsberg (29’), Suedia kaloi në avantazh nga penalltia pas videoasistimit nga VAR pasi që Hadergjonaj luajti më dorë.

Dardanët në pjesën e parë rrezikuan portën suedeze përmes Elbasan Rashanit, por goditja e tij për pak kaloj pran portës nikoqire. Ndërkohë, Suedia ka mundur të shënojë edhe golin e dytë, por ishte shtylla që shpëtoi portën e gardianit kosovar.

Përfaqësuesja e Kosovës e nisi pjesën e dytë mjaftë mirë, duke u hedhur në sulm për të gjetur rrugën e golit, megjithatë, ishin suedezët që përmes Isak (62’) dyfishuan avantazhin në 2:0.

Skuadra vendase në finish të lojës, gjeti edhe golin e tretë më ane të Quaison (80’), derisa Dardanët megjithë angazhimin e tyre, assesi nuk ia dolën që të paktën një herë ta prekin rrjetën kundërshtare.

Pas kësaj disfate, Kosova mbetet në vendin e katërt me katër pikë në Grupin B, kurse, Suedia ‘blindon’ pozitën e dytë me 12 pikë, një më pak se lideri i tabelës, Spanja.