“PO, Zgjedhjeve dhe Inceneratorëve”, kreu i Grupit PS: JO, Komisionit hetimor për Becchettin!

Pas mbledhjes së Grupit Parlamentar të Partisë Socialiste, kreu i saj Taulant Balla ka sqaruar se Komisionet Hetimore për zgjedhjet e 25 Prillit dhe ai inceneratorëve do të votohen por jo dhe ai i çështjes “Becchetti”, pasi, sipat ij, Shqipëria duhet të vazhdojë të mbrojë interesat e saj dhe ai mund ta ngrihet në një moment të dytë.

“Qëndrimi jonë në lidhje me ngritjen e komisioneve hetimore, dua tju bëj me dije se nga PD kanë ardhur tre kërkesa. Njëra prej kërkesave natyrshëm bie në kundërshtim me vendimin e Gjykatës Kushtetuese që ka sqaruar qasjet, pakica ka të drejtë të ngrihet një komision hetimor dhe nuk vihet në dyshim ngritja e një komisioni hetimor, por kur kërkesa bie në kundërshtim me Kushtetutën, mendoj që bie në kundërshtim me interesat e Shqipërisë në raport me disa procese gjyqësore që po zhvillon Shqipëria. Interesi më i madh që duhet të prevalojë është interesi i Shqipërisë.

Shqipëria duhet të vazhdojë të mbrojë interesat e saj dhe ky ka qenë sugjerim dhe i avokatit të shtetit, i cili kërkon që kjo çështje të shtyhet dhe sapo Shqipëria të ketë ecur në procesin juridik, ligjor për këtë çështje ne mund ta ngremë këtë komision në një moment të dytë,” tha Taulant Balla duke shtuar se qëndrimin e plotë të mazhorancës do ta mbajë në seancë plenare.

Ndërkohë Kryetari i Grupit Parlamentar të PS ka sqaruar se grupi ka vendosur dhe rrëzimin e dekreteve që lidhen me ndryshimet e bëra në buxhetin e shtetit 2021 për pandeminë apo problematika të tjera. të Presidentit të Republikës, Ilir Meta ndërsa do të votohet kandidatura e Presidentit për anëtar të Autoritetit të Konkurrencës.

“Së pari dua t’ju informoj se mbledhja e grupit parlamentar ka shqyrtuar një sërë çështjesh që lidhen me axhendën parlamentare. Natyrshëm kemi shqyrtuar propozimet e komisionit në lidhje me qëndrimin tonë për disa dekrete të Presidentit të Republikës. Dua t’ju informoj që ne do t’i rrëzojmë dekretet e Presidentit të Republikës për çështje që lidhen me buxhetin e shtetit të vitit 2021 ku ne na është dashur që të bëjmë ndryshime për të bërë qasjet e duhura në raport me adresimin ndaj pandemisë apo problematika të tjera dhe ndërkohë që do të votojmë pro, një prej kandidaturave të propozuara nga Presidenti i Republikës lidhur me anëtarët e Autoritetit të Konkurrencës”, tha Balla.