Shqipërisë iu shty hapja e negociatave me 1 vit, Kukan: Përshëndes konkluzionet

Europarlamentari Eduard Kukan ka reaguar pas vendimit të Ministrave të Jashtëm të BE-së për shtyrjen në 2019-ën të negociatave të anëtarësimit për Shqipërinë dhe Maqedoninë.

“I përshëndes konkluzionet për hapjen e rrugës së negociatave të pranimit me Shqipërinë dhe Maqedoninë.
Dua të uroj të dyja vendet për progresin e bërë lidhur me axhendën e integrimit europian. Ato meritojnë një mesazh të qartë mbi fillimin e negociatave të pranimit.

Një vit iu dha vendeve për të ardhur në tryezën e bisidemeve, ç’ka reflekton diskutimet e brendshme të Këshillit mbi procesin e zgjerimit europian.

Unë mbështes plotësisht Shqipërinë dhe Maqedoninë në proces dhe i besoj agazhimit të tyre për axhendën e reformave. Unë pres të punoj me partnerët tanë muajt e ardhshëm dhe jam gati të eci me ta në rrugën e negociatave të pranimit”, thuhet në reagimin e Kukan.