“Bruxelles=diktatura”, Orban: Bashkimi Europian si Bashkimi Sovjetik!

Kryeministri i Hungarisë, Victor Orban, ka dënuar marrëdhëniet e Bashkimit Europian ndaj vendit të vet dhe Polonisë duke e krahasuar me Bashkimin Sovjetik. Duke folur në një tubim në Budapest me rastin e festës kombëtare dhe shënimit të kryengritjes antisovjetike të vitit 1956, nga rivalët politik u konsiderua fjalim elektoral ndonëse zgjedhjet parlamentare mbahen pas gjashtë muajsh.

“Bashkimi Europian na flet dhe sillet ndaj neve dhe polakëve si kundër armiqëve,” tha Orban para dhjetëra mijëra qytetarëve në Budapest disa prej të cilëve kishin ardhur nga Polonia dhe mbanin në duar flamuj polak dhe pankarta “Bruxelles=diktatura”. 

“Brukseli do të ishte mirë të kuptoj se neve as komunistët nuk arritën të na nënshtrojnë. Ne jemi Davidi, e Goliatit do ti dilte më mirë sikur ta shmang,” tha Orban duke mbështetur Varshavën në konfliktin me Brukselin në lidhje me pavarësinë e gjykatave dhe të drejtës evropiane..  

Luftë e vështirë

Para Victor Orban, 58 vjeç, i cili qeverisë për një dekadë, është një sfidë e madhe si ajo e 49 vjeçarit Peter Marki-Zay, kryebashkiakut konservator të qytetit të vogël i cili udhëheq frontin e bashkuar opozitar, nga socialistët, liberalët deri tek e djathta e ekstreme, e sot atë të qendrës së djathtë, partisë Jobbik.

Ekspertët e vlerësojnë si një luftë të ngushtë në prillin e vitit 2022, të cilën Orban nuk e ka parë për vite të tëra.

Petera Marki-Zay gjithashtu mblodhi në Budapest rreth 5000 njerëz para të cilëve tha se mjaft ishte në vitin 1956, dhe sot është mjaft!

“Washingtoni dhe miliarderi George Soros dëshirojnë që në zgjedhje të fitojnë njerëzit e tyre, përkatësisht e majta e bashkuar opozitare dhe japin paratë e tyre për mediat dhe rrjetet socialle,” tha Victro Orban duke folur për rrezikun e rikthimit të së majtës ndërsa shtoi se ekziston vetëm një e majtë pavarësisht se si maskohet dhe akuzoi Brukselin dhe Washingtonin për ndërhyrje në zgjedhje.

Ndryshe, sondazhet tregojnë se në mes të Fidesz të Victor Orbanit dhe opozitës është një garë e ngushtë me 25 për qind të elektoratit që vazhdon të jetë i pavendosur