Qëllohet më armë zjarri pronari i një hoteli, ndërron jetë në Spitalin e Fierit

Një ngjarje e rëndë mbrëmjen e sotme ka tronditur qytetin e Fierit. Te Rrethrrotullim i QTU-së, nga një automjet tip “Benz” është qëlluar me armë zjarri pronari i një lokali i cili si pasojë e plagëve të mara ka ndërruar jetë në Spitalin e Fierit.

Mësohet se viktima është Demir Backa, 57 vjeç, pronar i një lokali në qendër të Fierit dhe një hoteli në Sarandë.

Ndërkohë në Bypassin e Fierit është gjetur një makinë ndërsa po digjej që dyshohet të jetë i autorëve ndërsa Policia e shtetit shprehet:

“Sot rreth orës 20:40, në vendin e quajtur “Rrethrrotullim i QTU_së”, dyshohet se nga një automjet tip “Benz” është qëlluar me armë zjarri shtetasi D. B. 57 vjeç, i cili ishte brenda automjetit të tij tip “Audi” dhe si pasojë e plagëve të mara ka ndërruar jetë në spitalin e Fierit,” thekson Policia e Shtetit duke shtuar se janë ngritur disa pika kontrolli në hyrje dhe dalje të qytetit të Fierit.Grupi hetimor nën drejtimin e Prokurorisë ndodhet në vendngjarje dhe po punon për identifikimin dhe kapjen e autorit.

Ndryshe, Demir Backa është vëllai i ish-anëtarit të bandës së Fierit i cili është vrarë në 1997-ën. Ai po ashtu është pronar i një lokali në qendër të Fierit ku edhe u vra si dhe pronar i një hoteli në Sarandë. Medi Backa u vra në masakrën e Levanit. Ai njohej ndryshe si Buc Backa. Ai u vra së bashku me 23 persona të tjerë.

Fier/Informacion paraprak

Sot rreth orës 20:40, në vendin e quajtur “Rrethrrotullim i QTU_së”, dyshohet se nga një automjet tip “Benz” është qëlluar me armë zjarri shtetasi D. B. 57 vjeç, i cili ishte brenda automjetit të tij tip “Audi” dhe si pasojë e plagëve të mara ka ndërruar jetë në spitalin e Fierit.

Menjëherë shërbimet e Komisariatit të Policisë Fier, Forca e Posacme “Shqiponja” dhe 2 grupe te FNSH kanë shkuar në vendngjarje dhe po krehin zonën për kapjen e autorit.

Ndërkohë janë ngritur disa pika kontrolli në hyrje dhe dalje të qytetit të Fierit.

Në fshatin Daullas është gjetur e djegur një makinë tip “Benz” e cila dyshohet se është e autorëve të ngjarjes.

Grupi hetimor nën drejtimin e Prokurorisë ndodhet në vendngjarje dhe po punon për identifikimin dhe kapjen e autorit/ve.