Mëngjes me lëkundje të forta, 4 tërmete për 20 minuta me epiqendër…
Mëngjesi sotëm zgjoi shqiptarët me 4 lëkundje tërmeti dy prej të cilave shumë të fuqishme, që ndonëse në kufi me Maqedoninë e Veriut krijuan panik në Qarkun Dibër si dhe ndër qytetarët e Tiranës.
Tërmeti me magnitudë 3.3 të shkallës Rihter dhe thellësi 2 km, sipas Qendrë Sizmologjike Mesdhetare, EMSC, ra nê orën 08:04, epiqendra e të cilit ishte 12 kilometra nga Zhupa në Maqedoninë e Veriut dhe 63 kiloemtra nga Elbasani.
Pasgoditja sipas EMSC ishte me intensitet më të ulët por epiqendra poashtu ishte afër Zhupës. Sipas EMSC tërmeti ra në orën 08:09 me magnitudë 2.7 të shkallës Rihter dhe epiqendër 19 kilometra nga Zhupa dhe 48 kilometra nga Tirana .
Vetëm 1 minut më vonë EMSC raporton për tërmetin me pasgoditjen 4.4 të shkallës Rihter me thellësi 10 kilometra dhe epiqendër 17 kilometra nga Zhupa dhe 58 kilometra nga Tirana.
Pasgoditja e radhës shqetësoi seriozisht qytetarët e Tiranës me tërmetin i cili ra pas tij gjithashtu në orën 08:10 ku EMSC raporton se ishte me magnitudë 4.7 të shkallës Rihter, thellësi 10 km dhe epiqendër 18 kilometra nga Zhupa dhe 50 kilometra nga Tirana.
Njësia Administrative Gjoricë në Dibër është një nga më të prekurat, ashtu si dhe fshati Topojan në Njësinë Administrative Shupenzë ku 4 banesa janë dëmtuar.
Godina e Njësisë Administrative Gjoricë ka pësuar plasaritje dhe dëmtime ndërsa punonjësit kanë rrëfyer se kanë dalë nga zyrat nga frika ndërsa raportohet për disa banesa të dëmtuar.
